తండేల్ బ్లాక్బస్టర్ విజయంతో సూపర్ ఫామ్లో ఉన్న యువ సామ్రాట్ Naga Chaitanya, తన తొలి బ్లాక్బస్టర్ Virupakshaతో ప్రేక్షకులను అలరించిన దర్శకుడు Karthik Danduతో కలిసి ప్రతిష్టాత్మక మిథికల్ థ్రిల్లర్ వృషకర్మ చేస్తున్నారు. భారీ స్థాయిలో రూపొందుతున్న ఈ చిత్రాన్ని Sri Venkateswara Cine Chitra (SVCC), Sukumar Writings సంయుక్తంగా నిర్మిస్తుండగా, బాపినీడు సమర్పిస్తున్నారు. ఇప్పటికే విడుదలైన బిహైండ్ ది సీన్స్ వీడియోలు, ఫస్ట్ లుక్ పోస్టర్లు సినిమాపై ఆసక్తిని అమాంతం పెంచాయి.
ఇప్పుడు మేకర్స్ కీలక అప్డేట్ ఇచ్చారు. వృషకర్మ గ్లింప్స్ను మార్చి 5న విడుదల చేయనున్నట్లు అధికారికంగా ప్రకటించారు. ఈ గ్లింప్స్ ద్వారా సినిమా ఆధ్యాత్మిక ప్రపంచంలోకి మొదటి స్నీక్ పీక్ ఇవ్వనున్నారు.
అనౌన్స్మెంట్ పోస్టర్లో నాగ చైతన్య ఒక చీకటి గుహలో నిలబడి ఉన్నట్లు కనిపిస్తారు. పైనుండి దూసుకొచ్చే పదునైన కాంతి కిరణాలు అతనిపై పడుతుండగా, అతని కండలు తిరిగిన శరీరం, ఇంటెన్స్ లుక్ అద్భుతంగా మెరిసాయి. నడుముకు కట్టుకున్న క్లైంబింగ్ గేర్, చేతిలో ఉన్న తవ్వే ఆయుధం అతని పాత్ర ప్రమాదకర పరిస్థితుల్లోకి వెళ్లిన సంకేతాన్ని ఇస్తున్నాయి. చుట్టూ ఉన్న రాళ్లు, తాళ్లు, అసమానమైన భూభాగం ఈ కథలో అడ్వెంచర్, థ్రిల్ ఎలిమెంట్స్ ఎంత కీలకమో సూచిస్తున్నాయి.
ఈ పాత్ర కోసం నాగ చైతన్య మ్యాసీవ్ ఫిజికల్ ట్రాన్స్ఫర్మేషన్ అయ్యారు. రా, రగ్గడ్ లుక్ కోసం ప్రత్యేక శిక్షణ తీసుకుని, అనేక థ్రిల్లింగ్ స్టంట్స్ను స్వయంగా చేస్తున్నారు. ఇది ఆయన కెరీర్లో ఒక కొత్త మలుపుగా భావిస్తున్నారు అభిమానులు.
దర్శకుడు కార్తిక్ దండు, తన డెబ్యూ హిట్ తర్వాత వస్తున్న ఈ ప్రాజెక్ట్పై ఉన్న భారీ అంచనాలను దృష్టిలో పెట్టుకుని, “వృషకర్మ”ను మరింత ఇమర్సివ్ మరియు విజువల్లీ రిచ్ అనుభూతిగా తీర్చిదిద్దడంపై ప్రత్యేక శ్రద్ధ తీసుకుంటున్నారు.
ఈ చిత్రంలో నాగ చైతన్యకు జోడీగా Meenakshi Chaudhary హీరోయిన్గా నటిస్తుండగా, లాపతా లేడీస్ ఫేమ్ Sparsh Shrivastava విలన్ పాత్రలో కనిపించనున్నారు.
టెక్నికల్గా కూడా ఈ సినిమా భారీ స్థాయిలో తెరకెక్కుతోంది. సినిమాటోగ్రఫీని రాహుల్ డి హెరియన్ నిర్వహిస్తుండగా, సంగీతాన్ని Ajaneesh B Loknath అందిస్తున్నారు. ప్రొడక్షన్ డిజైనర్గా శ్రీ నాగేంద్ర తంగాల పనిచేస్తుండగా, ఎడిటింగ్ బాధ్యతలను నవీన్ నూలి నిర్వహిస్తున్నారు.
మొత్తంగా చూస్తే, వృషకర్మ గ్లింప్స్ విడుదలతో ఈ మిస్టిక్ థ్రిల్లర్పై ఉన్న ఆసక్తి మరింత రెట్టింపు కానుంది. మార్చి 5న ఈ ఆధ్యాత్మిక ప్రపంచం తెరపై ఎలా విరాజిల్లుతుందో చూడాలి.