రాకింగ్ స్టార్ మంచు మనోజ్ నటిస్తున్న తాజా పాన్ ఇండియా చిత్రం డేవిడ్ రెడ్డి నుంచి ఫస్ట్ లుక్ పోస్టర్స్ రిపబ్లిక్ డే సందర్భంగా విడుదలయ్యాయి. బ్రిటీష్ పాలనా కాలాన్ని నేపథ్యంగా తీసుకుని రూపొందుతున్న ఈ ఇంటెన్స్ యాక్షన్ డ్రామా, విడుదలైన పోస్టర్లతోనే భారీ అంచనాలను పెంచింది.
వెల్వెట్ సోల్ మోషన్ పిక్చర్స్, ట్రూ రాడిక్స్ బ్యానర్స్పై నల్లగంగుల వెంకట్ రెడ్డి, భరత్ మోటుకూరి ఈ చిత్రాన్ని నిర్మిస్తున్నారు. దర్శకుడు హనుమ రెడ్డి యక్కంటి ప్రతిష్టాత్మకంగా తెరకెక్కిస్తున్న ఈ సినిమా 1897 నుంచి 1920 మధ్యకాలంలోని బ్రిటీష్ పాలనను నేపథ్యంగా చేసుకుని సాగనుంది.
‘డేవిడ్ రెడ్డి’ ఫస్ట్ లుక్ పోస్టర్స్లో మంచు మనోజ్ “Ruthless” మరియు “Brutal” అనే రెండు వేరియేషన్లలో కనిపించి ఆకట్టుకుంటున్నారు. ఇంటెన్స్ ఐస్, పవర్ఫుల్ బాడీ లాంగ్వేజ్, పూర్తిగా మారిపోయిన మేకోవర్తో మనోజ్ పాత్రలో పూర్తిగా లీనమైనట్లు కనిపిస్తున్నారు. ఈ లుక్స్ చూస్తే సినిమాలో టెర్రఫిక్ యాక్షన్ సీక్వెన్స్లు, ఎమోషనల్ డెప్త్ ఉంటాయనే సంకేతాలు స్పష్టంగా కనిపిస్తున్నాయి.
ఈ చిత్రంలో బ్రిటీష్ క్రూర పాలనకు ఎదిరించిన యోధుడి పాత్రలో మనోజ్ కనిపించనున్నారు. చారిత్రక నేపథ్యంతో పాటు హై-ఆక్టేన్ యాక్షన్, బలమైన కథనం ‘డేవిడ్ రెడ్డి’ని ఒక ప్రత్యేకమైన సినిమాగా నిలబెట్టనుందని మేకర్స్ చెబుతున్నారు. ఈ చిత్రం మనోజ్ కెరీర్కు ఒక స్ట్రాంగ్ కమ్బ్యాక్గా నిలుస్తుందనే టాక్ ఇప్పటికే ఇండస్ట్రీలో వినిపిస్తోంది.
మారియా ర్యబోషప్క హీరోయిన్గా నటిస్తున్న ఈ చిత్రం తెలుగు, హిందీ, తమిళ, మలయాళ, కన్నడ భాషల్లో రూపొందుతోంది. ప్రస్తుతం ఫస్ట్ లుక్తోనే బలమైన బజ్ క్రియేట్ చేసిన ‘డేవిడ్ రెడ్డి’ నుంచి త్వరలో మరిన్ని అప్డేట్స్ విడుదల చేయనున్నట్లు చిత్ర బృందం వెల్లడించింది.