పవర్‌స్టార్ పవన్ కళ్యాణ్ (Pawan Kalyan) తాజా చిత్రం OG నార్త్ అమెరికా బాక్సాఫీస్‌లో సంచలనం రేపింది. కేవలం బుధవారం ప్రీమియర్ షోలు ద్వారానే ఈ చిత్రం $3.1 మిలియన్ (₹26 కోట్లు పైగా) వసూలు చేసి, పవన్ కెరీర్‌లోనే కాదు, టాలీవుడ్ చరిత్రలోనూ ప్రత్యేక స్థానం దక్కించుకుంది.
‘ఓజీ’పై రిలీజ్‌కు ముందే అంచనాలు ఆకాశాన్ని తాకాయి. సుజీత్ దర్శకత్వం, పవన్ మాస్ లుక్, థమన్ మ్యూజిక్— అన్ని కలిసి సినిమా హైప్ మరింత పెంచాయి. ముఖ్యంగా యాక్షన్ ప్యాక్డ్ ట్రైలర్, They Call Him OG ట్యాగ్‌లైన్ అభిమానుల్లో భారీ అంచనాలను రేపింది. నార్త్ అమెరికా డిస్ట్రిబ్యూటర్స్ ముందే భారీ స్క్రీన్ కౌంట్‌తో రిలీజ్‌కు సన్నాహాలు చేయడంతో, ప్రీమియర్ కలెక్షన్లు రికార్డు స్థాయికి చేరాయి.
సినిమా ప్రీమియర్ల సందర్భంగా అమెరికా అంతటా తెలుగు అభిమానులు సెలబ్రేషన్ వాతావరణం సృష్టించారు. థియేటర్ల వద్ద ఫ్లెక్సీలు, బేనర్లు, స్పెషల్ కటౌట్లు, మైక్ సెటప్స్‌తో పండగలా జరుపుకున్నారు. అనేక థియేటర్లలో ఫస్ట్ షో టికెట్లు నిమిషాల్లో సేల్ అవ్వగా, పవన్ ఎంట్రీకి అభిమానులు స్టాండింగ్ ఓవేషన్ ఇచ్చారు. సోషల్ మీడియాలో #OGStorm, #TheyCallHimOG హ్యాష్‌ట్యాగ్‌లు ట్రెండింగ్ అవుతుండటమే కాకుండా, ప్రీమియర్ షో రివ్యూలతో పాజిటివ్ బజ్ మరింత పెరిగింది.
ఇప్పటివరకు పవన్ కళ్యాణ్ నార్త్ అమెరికాలో సాధించిన లైఫ్‌టైమ్ కలెక్షన్ $2 మిలియన్ లోపే ఉండేది. కానీ OG మాత్రం ప్రీమియర్ల ద్వారానే ఆ రికార్డును చెరిపేసి కొత్త బెంచ్‌మార్క్ సృష్టించింది.
ఈ జాబితాలో OG నాలుగో స్థానంలో నిలవడమే కాకుండా, పవన్ కళ్యాణ్ కెరీర్‌లోనే ఆల్ టైమ్ బెస్ట్‌గా రికార్డులు బద్దలు కొట్టింది. అభిమానుల హంగామా, పాజిటివ్ టాక్‌ను బట్టి చూస్తే, ఫస్ట్ వీకెండ్‌లో ఇంకా పెద్ద రికార్డులు సృష్టించడం ఖాయమని ఇండస్ట్రీ వర్గాలు అంచనా వేస్తున్నాయి.