యంగ్ హీరో, సూపర్ హీరో తేజ సజ్జ తన జీవితంలో కొత్త అధ్యాయానికి శ్రీకారం చుట్టారు. మౌర్యతో తేజ సజ్జ నిశ్చితార్థ వేడుక హైదరాబాద్లోని తాజ్ కృష్ణలో అంగరంగ వైభవంగా జరిగింది. కుటుంబ సభ్యులు, సన్నిహితులు, రాజకీయ, సినీ ప్రముఖుల సమక్షంలో ఈ వేడుక ఘనంగా నిర్వహించారు.
ఈ నిశ్చితార్థ వేడుకకు మెగాస్టార్ చిరంజీవి, తెలంగాణ గవర్నర్ శివ ప్రతాప్ శుక్లా, కేంద్ర మంత్రి జి. కిషన్ రెడ్డి, సినిమాటోగ్రఫీ మంత్రి కోమటిరెడ్డి వెంకట్ రెడ్డి, మంత్రి సీతక్క, బీఆర్ఎస్ నేత హరీశ్ రావు, గంటా శ్రీనివాసరావు తదితర రాజకీయ ప్రముఖులు హాజరై కాబోయే దంపతులను ఆశీర్వదించారు.
టాలీవుడ్ నుంచి కూడా పలువురు ప్రముఖులు ఈ వేడుకలో సందడి చేశారు. నిర్మాతలు అల్లు అరవింద్, సురేష్ బాబు, దిల్ రాజు, టీజీ విశ్వప్రసాద్, సుస్మిత కొణిదెల, సాహు గారపాటి, వెంకట్ బోయనపల్లి పాల్గొన్నారు. నటీనటుల విషయానికి వస్తే రవితేజ, నాని, రానా దగ్గుబాటి, శ్రీకాంత్, అడివి శేష్, సుధీర్ బాబు, వరలక్ష్మి శరత్ కుమార్, నిధి అగర్వాల్, నిహారిక కొణిదెల, రితికా నాయక్, ఇమాన్వి తదితరులు హాజరయ్యారు.
దర్శకుల పరంగా కూడా ఈ వేడుక ప్రత్యేక ఆకర్షణగా నిలిచింది. కె. రాఘవేంద్రరావు, బి. గోపాల్, అనిల్ రావిపూడి, ప్రశాంత్ వర్మ, శివ నిర్వాణ, నందినీ రెడ్డి, కార్తీక్ ఘట్టమనేని, మారుతి, చందూ మొండేటి, శైలేష్ కొలను, బీవీఎస్ రవి తదితరులు పాల్గొని తేజ సజ్జా, మౌర్యలకు శుభాకాంక్షలు తెలిపారు.
సినీ, రాజకీయ ప్రముఖుల సందడి మధ్య ఆనందోత్సాహాలతో నిశ్చితార్థ వేడుక ముగిసింది. ఇక తేజ సజ్జ, మౌర్యల వివాహం డిసెంబర్లో డెస్టినేషన్ వెడ్డింగ్గా జరగనుంది.
హనుమాన్, మిరాయ్ వంటి చిత్రాలతో ప్రేక్షకుల్లో మంచి గుర్తింపు తెచ్చుకున్న తేజ సజ్జా నిశ్చితార్థ వేడుక ఇప్పుడు టాలీవుడ్లో హాట్ టాపిక్గా మారింది.