కింగ్ ఆఫ్ ఎంటర్టైన్మెంట్ Sree Vishnu మరోసారి హిలేరియస్ ఎంటర్టైనర్తో ప్రేక్షకుల ముందుకు రాబోతున్నారు. యదునాథ్ మారుతీ రావు దర్శకత్వంలో, శ్రీ సుబ్రహ్మణ్యేశ్వర సినిమాస్ బ్యానర్పై సుమంత్ నాయుడు జి నిర్మించిన ‘విష్ణు విన్యాసం’ చిత్రంలో శ్రీ విష్ణు సరసన Nayana Sarika హీరోయిన్గా నటించారు. ఇప్పటికే విడుదలైన ప్రమోషనల్ కంటెంట్ సినిమాపై మంచి బజ్ను సృష్టించింది. ఈ చిత్రం ఫిబ్రవరి 27న ప్రపంచవ్యాప్తంగా విడుదల కానుంది.
రిలీజ్కు ముందు నిర్వహించిన విలేకరుల సమావేశంలో నిర్మాతలు సుబ్రహ్మణ్యం నాయుడు జి, సుమంత్ నాయుడు జి సినిమా విశేషాలను పంచుకున్నారు.
“మేము అనుకున్నది స్క్రీన్ మీద అద్భుతంగా కన్వే అయింది”
కామెడీ కథలు వినడానికంటే చూసినప్పుడే ఎక్కువగా ఎంజాయ్ అవుతాయని నిర్మాతలు తెలిపారు. కథ విన్నప్పుడు ఎంత నవ్వుకున్నామో, ఫైనల్ కాపీ చూసినప్పుడు అంతకంటే ఎక్కువ ఆనందించామని చెప్పారు. శ్రీ విష్ణు స్పాట్లో ఇంప్రవైజ్ చేసిన డైలాగ్స్ ప్రేక్షకులను బాగా అలరిస్తాయని వెల్లడించారు.
హీరో క్యారెక్టర్ స్పెషల్ హైలైట్
‘విష్ణు విన్యాసం’ పూర్తిగా హీరో క్యారెక్టర్ చుట్టూ తిరిగే కథ అని చెప్పారు. న్యూమరాలజీని నమ్మే హీరో పాత్ర కొత్తగా, వినోదాత్మకంగా ఉంటుందని తెలిపారు. అలాగే హీరోయిన్ ట్రాక్, రెండు కుటుంబాల మధ్య నడిచే సన్నివేశాలు ఫ్యామిలీ ఆడియన్స్కి కనెక్ట్ అవుతాయని పేర్కొన్నారు.
టైటిల్ వెనుక కథ
సినిమాలో హీరో పేరు విష్ణు కావడంతో పాటు, కథ అంతా ఆయన విన్యాసాల చుట్టూ తిరుగుతుండటంతో ‘విష్ణు విన్యాసం’ అనే టైటిల్ను నిర్ణయించామని తెలిపారు.
నయన సారిక పెర్ఫార్మెన్స్
నయన సారిక ఈ పాత్రకు పర్ఫెక్ట్ యాప్ట్ అని నిర్మాతలు ప్రశంసించారు. తన పాత్రను అద్భుతంగా పోషించిందని తెలిపారు.
రధన్ మ్యూజిక్ స్పెషల్ అట్రాక్షన్
సంగీత దర్శకుడు Radhan అందించిన పాటలు, బ్యాక్గ్రౌండ్ స్కోర్ సినిమాకు ప్రధాన బలమని చెప్పారు. రామజోగయ్య శాస్త్రి రాసిన పాటలు కూడా ప్రత్యేక ఆకర్షణగా నిలుస్తాయని తెలిపారు.
ఫస్ట్ హాఫ్ యూత్… సెకండ్ హాఫ్ ఫ్యామిలీ
సినిమా ఫస్ట్ హాఫ్ యూత్ను, సెకండ్ హాఫ్ యూత్తో పాటు ఫ్యామిలీ ఆడియన్స్ను ఆకట్టుకునేలా రూపొందించామని చెప్పారు. మంచి సినిమా ఇస్తే ప్రేక్షకులు ఖచ్చితంగా థియేటర్లకు వస్తారని నిర్మాతలు విశ్వాసం వ్యక్తం చేశారు.
టాప్ ఫైవ్లో నిలిచే సినిమా
‘విష్ణు విన్యాసం’ శ్రీ విష్ణు కెరీర్లో టాప్ ఫైవ్ చిత్రాల్లో ఒకటిగా నిలుస్తుందని నిర్మాతలు ధీమా వ్యక్తం చేశారు. ఈ సినిమాతో ఆయన సక్సెస్ ట్రాక్ కొనసాగుతుందని, భవిష్యత్తులో కూడా శ్రీ విష్ణుతో కలిసి సినిమాలు చేయాలనే ఆసక్తి ఉందని తెలిపారు.
మంచి కామెడీ, ఫ్యామిలీ ఎంటర్టైన్మెంట్, క్యాచీ మ్యూజిక్తో ‘విష్ణు విన్యాసం’ ఫిబ్రవరి 27న ప్రేక్షకులను నవ్వులతో అలరించేందుకు సిద్ధంగా ఉంది.
