అప్పలసూరి పాత్రలో సీనియర్ నటుడు జగపతి బాబును పరిచయం చేస్తూ, మెగా పవర్ స్టార్ రామ్ చరణ్ నటిస్తున్న హైలీ యాంటిసిపేటెడ్ రూరల్ యాక్షన్ ఎంటర్టైనర్ పెద్ది నుంచి విడుదలైన ఫస్ట్-లుక్ పోస్టర్ ప్రేక్షకుల్లో భారీ అంచనాలను పెంచింది. ఈ పోస్టర్లో జగపతి బాబు మునుపెన్నడూ చూడని ఇంటెన్స్ అవతార్లో కనిపిస్తూ, గ్రామీణ నేపథ్యానికి పర్ఫెక్ట్గా సరిపోయే రఫ్ లుక్తో ఆకట్టుకున్నారు. చెదిరిన సాల్ట్ అండ్ పెప్పర్ జుట్టు, దారంతో కట్టిన విరిగిన కళ్లద్దాలు ఆయన పాత్ర యొక్క కఠినమైన స్వభావాన్ని, అప్పలసూరి క్యారెక్టర్ డెప్త్ను బలంగా ప్రతిబింబిస్తున్నాయి.
ఈ చిత్రానికి బుచ్చి బాబు సన దర్శకత్వం వహిస్తుండగా, వృద్ధి సినిమాస్ బ్యానర్పై వెంకట సతీష్ కిలారు భారీ బడ్జెట్తో నిర్మిస్తున్నారు. సుకుమార్ రైటింగ్స్తో కలిసి మైత్రి మూవీ మేకర్స్ ఈ చిత్రాన్ని గర్వంగా సమర్పిస్తోంది. అద్భుతమైన నిర్మాణ విలువలతో రూపొందుతున్న ‘పెద్ది’ ఒక గ్రాండ్ థియేట్రికల్ అనుభూతిని అందించనుందని చిత్ర బృందం ధీమాగా చెబుతోంది.
రామ్ చరణ్ సరసన జాన్వీ కపూర్ కథానాయికగా నటిస్తుండగా, కన్నడ సూపర్ స్టార్ శివ రాజ్కుమార్, జగపతి బాబు, దివ్యేందు శర్మ వంటి ప్రముఖ నటులు కీలక పాత్రల్లో కనిపించనున్నారు. ప్రతి పాత్రకు ప్రత్యేక ప్రాధాన్యం ఉండేలా కథను డిజైన్ చేసినట్టు తెలుస్తోంది.
ఇక తన పాత్రల విషయంలో ఎంతో సెలెక్టివ్గా వ్యవహరించే సీనియర్ నటుడు బోమన్ ఇరానీ కూడా ఈ ప్రాజెక్ట్లో కీలక పాత్ర కోసం జాయిన్ కావడం విశేషం. ఇప్పటికే షూటింగ్లో పాల్గొన్న ఆయన పాత్ర కథను ముందుకు నడిపించే ప్రధాన శక్తిగా ఉండబోతోందని సమాచారం.
ఇప్పటికే విడుదలైన ఫస్ట్-లుక్ పోస్టర్లు, ఫస్ట్ షాట్ గ్లింప్స్, అలాగే ఫస్ట్ సింగిల్ ‘చికిరి చికిరి’కు ప్రేక్షకుల నుంచి అద్భుతమైన స్పందన లభించింది. ముఖ్యంగా చికిరి పాట చార్ట్బస్టర్గా మారి, ఇటీవలి కాలంలోనే బిగ్గెస్ట్ మ్యూజికల్ హిట్గా నిలవడం సినిమాపై అంచనాలను మరింత పెంచింది.
టెక్నికల్గా కూడా ‘పెద్ది’ అత్యున్నత స్థాయిలో రూపొందుతోంది. ఆస్కార్ అవార్డు విజేత ఏ.ఆర్. రెహమాన్ సంగీతాన్ని అందిస్తుండగా, ప్రముఖ సినిమాటోగ్రాఫర్ ఆర్. రత్నవేలు విజువల్స్ను క్యాప్చర్ చేస్తున్నారు. నేషనల్ అవార్డు విన్నర్ నవీన్ నూలి ఎడిటింగ్ బాధ్యతలు నిర్వర్తిస్తుండగా, ప్రొడక్షన్ డిజైనర్ అవినాష్ కొల్లా సినిమాకు ప్రత్యేకమైన ప్రపంచాన్ని డీటెయిల్గా రూపుదిద్దుతున్నారు.
మార్చి 27, 2026న గ్రాండ్ పాన్-ఇండియా థియేట్రికల్ రిలీజ్కు సిద్ధమవుతున్న ‘పెద్ది’, 2026లో బిగ్గెస్ట్ సినిమాటిక్ ఈవెంట్లలో ఒకటిగా ప్రేక్షకులను అలరించబోతోందన్న నమ్మకం ట్రేడ్ వర్గాల్లో బలంగా వ్యక్తమవుతోంది.
