మెగాస్టార్ చిరంజీవి నటిస్తున్న మాస్-అండ్-ఫ్యామిలీ ఎంటర్టైనర్ ‘మన శంకర వర ప్రసాద్ గారు’ సినిమా చుట్టూ అంచనాలు రోజురోజుకు పెరుగుతున్నాయి. బ్లాక్బస్టర్ దర్శకుడు అనిల్ రావిపూడి దర్శకత్వంలో తెరకెక్కుతున్న ఈ చిత్రం, ఇప్పటికే విడుదలైన ప్రమోషనల్ కంటెంట్తో ప్రేక్షకుల్లో భారీ బజ్ను క్రియేట్ చేసింది.
ఈ చిత్రంలో విక్టరీ స్టార్ వెంకటేష్ కీలకమైన ప్రత్యేక పాత్రలో నటించడం మరో ప్రధాన ఆకర్షణగా నిలుస్తోంది. షైన్ స్క్రీన్స్, గోల్డ్ బాక్స్ ఎంటర్టైన్మెంట్స్ బ్యానర్లపై సాహు గారపాటి, సుస్మిత కొణిదెల ఈ సినిమాను నిర్మిస్తుండగా, శ్రీమతి అర్చన సమర్పిస్తున్నారు.
ఇప్పటికే షూటింగ్ పూర్తి చేసుకున్న ‘మన శంకర వర ప్రసాద్ గారు’ ప్రస్తుతం పోస్ట్-ప్రొడక్షన్ దశలో ఉంది. ఈ క్రమంలో తాజాగా మేకర్స్ విడుదల చేసిన మెగాస్టార్ చిరంజీవి కొత్త స్టిల్ సోషల్ మీడియాలో హాట్ టాపిక్గా మారింది. బ్లాక్ సూట్, వైట్ షర్ట్, కళ్లకు డార్క్ గ్లాసెస్తో, ఒక చేతిలో గన్ పట్టుకుని స్టైలిష్గా, పవర్ఫుల్గా కనిపిస్తున్న చిరంజీవి లుక్ అభిమానులను ఉర్రూతలూగిస్తోంది.
సినిమా నుంచి ఇప్పటికే విడుదలైన ‘మీసాల పిల్ల’, ‘శశిరేఖ’ పాటలు చార్ట్బస్టర్ హిట్స్గా నిలిచి సంగీత ప్రియులను ఆకట్టుకున్నాయి. ఇప్పుడు అందరూ ఎంతో ఆసక్తిగా ఎదురుచూస్తున్న చిరంజీవి–వెంకటేష్ కాంబినేషన్ పాటను త్వరలోనే విడుదల చేయనున్నట్లు మేకర్స్ సంకేతాలు ఇచ్చారు. దీనికి సంబంధించిన అధికారిక అనౌన్స్మెంట్ త్వరలో వెలువడనుంది.
ఈ చిత్రానికి భీమ్స్ సిసిరోలియో సంగీతం అందిస్తుండగా, సినిమాటోగ్రఫీ బాధ్యతలను సమీర్ రెడ్డి నిర్వర్తిస్తున్నారు. ఎడిటింగ్ను తమ్మిరాజు, ప్రొడక్షన్ డిజైన్ను ఏఎస్ ప్రకాష్ పర్యవేక్షిస్తున్నారు. కథను ఎస్. కృష్ణ, జి. ఆది నారాయణ సంయుక్తంగా రాశారు.
భారీ నిర్మాణ విలువలు, స్టార్ కాస్టింగ్, అనిల్ రావిపూడి మార్క్ వినోదంతో రూపొందుతున్న ‘మన శంకర వర ప్రసాద్ గారు’ చిత్రం జనవరి 12న సంక్రాంతి కానుకగా ప్రపంచవ్యాప్తంగా గ్రాండ్గా విడుదల కానుంది. ఫ్యామిలీ ఆడియెన్స్తో పాటు మాస్ అభిమానులను కూడా థియేటర్లకు తీసుకురావడంలో ఈ సినిమా కీలక పాత్ర పోషిస్తుందనే నమ్మకం ఇండస్ట్రీ వర్గాల్లో వ్యక్తమవుతోంది.