పాన్ ఇండియా స్థాయిలో అత్యంత ప్రతిష్టాత్మకంగా తెరకెక్కుతున్న యాక్షన్ ఎంటర్‌టైనర్ ‘వార్ 2’ డబ్బింగ్ పనులు మొదలయ్యాయి. బాలీవుడ్ స్టార్ హృతిక్ రోషన్ మరియు తెలుగు మాస్ ఐకాన్ ఎన్టీఆర్ కలిసి స్క్రీన్‌ను షేక్ చేయనున్న ఈ మల్టీస్టారర్ ప్రాజెక్ట్‌పై ఇప్పటికే భారీ అంచనాలు నెలకొన్నాయి.
అయాన్ ముఖర్జీ దర్శకత్వం వహిస్తున్న ఈ చిత్రం, Yash Raj Films సంస్థ నిర్మాణంలో ఆగస్టు 14, 2025న ప్రపంచవ్యాప్తంగా థియేటర్లలో గ్రాండ్ రిలీజ్ కానుంది.
ఇటీవల ఎన్టీఆర్ పుట్టినరోజు సందర్భంగా విడుదల చేసిన టీజర్ దేశవ్యాప్తంగా సంచలనం సృష్టించింది. ఈ టీజర్ సినిమాపై అంచనాలను పెంచేసింది. తాజాగా ఎన్టీఆర్ ఈ చిత్రానికి డబ్బింగ్ ప్రారంభించగా, విడుదల చేసిన బిట్స్ వీడియో అభిమానులను ఆకట్టుకుంటోంది.
ఈ ఏడాదిలోనే కాదు, మొత్తం ఇండియన్ సినిమా ప్రాంగణంలో 2025లో అత్యంత భారీగా ఎదురుచూసే సినిమాల్లో ‘వార్ 2’ అగ్రస్థానంలో ఉంది.