దళపతి విజయ్ అభిమానులు ఎంతో ఆసక్తిగా ఎదురుచూస్తున్న ‘జన నాయగ‌న్’ సినిమా విడుదల తేదీని చిత్ర బృందం అధికారికంగా ప్రకటించింది. విజయ్ హీరోగా నటించిన చివరి చిత్రంగా రూపొందుతున్న ఈ సినిమాను 2026 జూలై 23న ప్రపంచవ్యాప్తంగా గ్రాండ్‌గా విడుదల చేయనున్నట్లు మేకర్స్ వెల్లడించారు. ఈ ప్రకటనతో అభిమానుల్లో భారీ ఉత్సాహం నెలకొంది.
‘జన నాయగ‌న్’ భారతీయ సినీ అభిమానులు అత్యంత ఆసక్తిగా ఎదురుచూస్తున్న చిత్రాల్లో ఒకటిగా నిలిచింది. దళపతి విజయ్ అద్భుతమైన సినీ ప్రయాణానికి ఈ చిత్రం ఒక ప్రత్యేక అధ్యాయంగా నిలవనుంది. వెండితెరపై విజయ్‌ను చివరిసారిగా చూడబోతున్నామని అభిమానులు భావిస్తుండటంతో సినిమాపై అంచనాలు మరింత పెరిగాయి.
విజయ్ భారతీయ సినీ పరిశ్రమపై వేసిన చెరగని ముద్రకు, ఆయన విజయవంతమైన సినీ ప్రయాణానికి ఈ చిత్రం ఒక గొప్ప నివాళిగా నిలుస్తుందని చిత్ర బృందం భావిస్తోంది.
ప్రముఖ దర్శకుడు హెచ్. వినోద్ దర్శకత్వంలో తెరకెక్కిన ఈ చిత్రాన్ని కేవీఎన్ ప్రొడక్షన్స్ బ్యానర్‌పై నిర్మాత వెంకట్ కె. నారాయణ నిర్మించారు. ప్రపంచవ్యాప్తంగా ప్రేక్షకులకు అత్యున్నత స్థాయి సినిమాటిక్ అనుభూతిని అందించాలనే లక్ష్యంతో ప్రతిభావంతమైన సాంకేతిక బృందంతో ఈ చిత్రాన్ని రూపొందించారు.
రిలీజ్ డేట్ ప్రకటన సందర్భంగా నిర్మాత వెంకట్ కె. నారాయణ మాట్లాడుతూ…
“సినిమా చరిత్రలో నిజంగా చారిత్రాత్మకంగా నిలిచే క్షణాలు చాలా అరుదుగా వస్తాయి. ‘జన నాయగ‌న్’ అలాంటి ప్రత్యేకమైన చిత్రం. దళపతి విజయ్ తన చివరి సినిమాతో ప్రేక్షకులను మరోసారి అలరించబోతున్నారు. ఈ ప్రయాణంలో భాగస్వామ్యం కావడం మా అదృష్టంగా భావిస్తున్నాం.
ప్రపంచవ్యాప్తంగా ఆయన అభిమానులకు ఈ చిత్రాన్ని అందించడం ఎంతో సంతోషంగా ఉంది. సినీ పరిశ్రమలో ప్రారంభమైన విజయ్ ప్రయాణం లక్షలాది మందికి స్ఫూర్తినిచ్చింది. అనంతరం తమిళనాడు ముఖ్యమంత్రిగా ఎదగడం ప్రజలతో ఆయనకు ఉన్న అపూర్వమైన అనుబంధాన్ని తెలియజేస్తుంది.
‘జన నాయగ‌న్’ ప్రేక్షకులకు గుర్తుండిపోయే థియేట్రికల్ అనుభూతిని అందించడమే కాకుండా, విజయ్ అద్భుతమైన సినీ కెరీర్‌కు ఒక గొప్ప నివాళిగా నిలుస్తుందని మేము విశ్వసిస్తున్నాం.”
రిలీజ్ డేట్ ప్రకటించడంతో ‘జన నాయకన్’ 2026లో అత్యంత భారీ సినిమాటిక్ ఈవెంట్లలో ఒకటిగా నిలవనుంది. దళపతి విజయ్‌ను హీరోగా చివరిసారిగా వెండితెరపై చూసేందుకు అభిమానులు ఇప్పటికే ఆసక్తిగా ఎదురుచూస్తున్నారు.
త్వరలోనే సినిమా ట్రైలర్, సంగీతం, ప్రమోషన్స్‌కు సంబంధించిన మరిన్ని విశేషాలను వెల్లడిస్తామని చిత్ర యూనిట్ తెలిపింది.
దళపతి విజయ్ చివరి చిత్రం ‘జన నాయగ‌న్’ 2026 జూలై 23న ప్రపంచవ్యాప్తంగా గ్రాండ్‌గా థియేటర్లలో విడుదల కానుంది. విజయ్ సినీ ప్రయాణంలో ఈ చిత్రం ఒక చారిత్రాత్మక మైలురాయిగా నిలవనుందని అభిమానులు విశ్వసిస్తున్నారు.