మెగా పవర్ స్టార్ రామ్ చరణ్ హీరోగా తెరకెక్కుతున్న పాన్–ఇండియా యాక్షన్ డ్రామా ‘పెద్ది’ ప్రస్తుతం పోస్ట్–ప్రొడక్షన్ మరియు ప్రమోషనల్ కార్యక్రమాలను శరవేగంగా పూర్తి చేసుకుంటోంది. దర్శకుడు బుచ్చి బాబు సనా తెరకెక్కిస్తున్న ఈ చిత్రాన్ని వృద్ధి సినిమాస్ బ్యానర్పై వెంకట సతీష్ కిలారు నిర్మిస్తున్నారు. భారీ అంచనాల మధ్య ఈ సినిమా ఏప్రిల్ 30న ప్రపంచవ్యాప్తంగా గ్రాండ్గా విడుదలకు సిద్ధమవుతోంది.
ఈ చిత్రంలో రామ్ చరణ్ సరసన హీరోయిన్గా నటిస్తున్న జాన్వీ కపూర్ పుట్టినరోజు సందర్భంగా మేకర్స్ ప్రత్యేక పోస్టర్ను విడుదల చేశారు. పోస్టర్లో ఆమె సంప్రదాయ శైలిలో కనిపిస్తూ కూడా గ్లామరస్ లుక్తో ఆకట్టుకుంటున్నారు. సినిమాలో ఆమె ‘అచ్చియమ్మ’ అనే పల్లెటూరి యువతిగా కనిపించనుంది.
పోస్టర్లో జాన్వీ కపూర్ మెరూన్ కలర్ ఎంబ్రాయిడరీ బ్లౌజ్తో పాటు మ్యాచింగ్ లెహంగా ధరించి స్టైలిష్గా కనిపిస్తున్నారు. మెడలో లేయర్డ్ నెక్లెస్లు, చేతికి బ్రేస్లెట్, ఎరుపు రంగు రౌండ్ సన్గ్లాసెస్ ఆమె లుక్కు ప్రత్యేక ఆకర్షణగా నిలిచాయి. లూజ్ హెయిర్తో కాన్ఫిడెంట్ పోజ్ ఇస్తూ ట్రడిషనల్ చార్మ్కు మోడర్న్ టచ్ జోడించినట్లు కనిపిస్తోంది.
జాన్వీ కపూర్ పుట్టినరోజు సందర్భంగా చిత్రబృందం ఒక స్పెషల్ బర్త్డే ట్రిబ్యూట్ వీడియోను కూడా విడుదల చేసింది. ఈ వీడియోలో ఆమె ఆన్స్క్రీన్ ఎలిగెన్స్తో పాటు ఆఫ్స్క్రీన్ చార్మ్ను చూపించే బీహైండ్ ది సీన్స్ మూమెంట్స్ కనిపిస్తాయి. జాన్వీ సంప్రదాయ దుస్తుల్లో మెగాఫోన్ పట్టుకుని, వింటేజ్ మైక్ ముందు పాట పాడుతున్నట్లుగా కనిపించే సన్నివేశాలు ఆకట్టుకుంటాయి. అలాగే దర్శకుడు బుచ్చి బాబు సనా, హీరో రామ్ చరణ్తో ఆమె మాట్లాడుతున్న దృశ్యాలు కూడా వీడియోలో ప్రత్యేకంగా కనిపించాయి.
సంగీత దిగ్గజం ఎఆర్ రెహమాన్ అందించిన సౌండ్ట్రాక్ ఇప్పటికే మంచి స్పందన అందుకుంది. ఇందులోని ‘చికిరి చికిరి’, ఇటీవల విడుదలైన ‘రైరై రా రా’ పాటలు ప్రపంచవ్యాప్తంగా వైరల్ అవుతున్నాయి.
ఈ భారీ చిత్రంలో శివ రాజ్కుమార్, జగపతి బాబు, దివ్యేందు, బోమన్ ఇరానీ కీలక పాత్రలు పోషిస్తున్నారు.
సినిమాకు టాప్ టెక్నికల్ టీమ్ పనిచేస్తోంది. సినిమాటోగ్రాఫర్గా ఆర్ రత్నవేలు, ఎడిటర్గా నవీన్ నూలి, ప్రొడక్షన్ డిజైనర్గా అవినాష్ కొల్లా పనిచేస్తున్నారు.