సమంత మరియు రాజ్ నిడిమోరు వివాహం అనంతరం, కోయంబత్తూరులోని లింగ భైరవి దేవి ఆలయం దేశవ్యాప్తంగా ప్రత్యేక దృష్టిని ఆకర్షిస్తోంది. అంతేకాక, ఇషా ఫౌండేషన్‌కు ప్రత్యేకమైన ‘భూత శుద్ధి వివాహం’ అనే సంప్రదాయం కూడా ఇప్పుడు సోషల్ మీడియాలో హాట్ టాపిక్ అయింది.
సాధారణంగా ఇషా యోగా కేంద్రాన్ని సందర్శించిన వారికి ఈ ఆలయం గురించి ముందుగానే తెలుసు. కానీ సమంత – రాజ్ వివాహం కారణంగా, లింగ భైరవి దేవి ఆలయం, అక్కడి ఆధ్యాత్మిక వాతావరణం, సంప్రదాయాలపై దేశవ్యాప్తంగా ఆసక్తి పెరిగింది.
ప్రస్తుతం సోషల్ మీడియాలో వైరల్ అవుతున్న ఈ ఆలయ ఫోటోలు అమ్మవారి అందమైన విగ్రహం, గర్భగుడి, ఆలయ ప్రాంగణం, అలాగే పూజా విధానాలు ఎంత అద్భుతంగా ఉంటాయో చూపిస్తున్నాయి. ముఖ్యంగా నవరాత్రి సమయంలో నిర్వహించిన ప్రత్యేక పూజల సమయంలో తీసిన చిత్రాలు విస్తృతంగా షేర్ అవుతున్నాయి.
కోయంబత్తూరు సమీపంలోని ఇషా ఫౌండేషన్ యోగ కేంద్రంలో ఉన్న లింగ భైరవి దేవి ఆలయానికి సద్గురు స్వయంగా ప్రాణ ప్రతిష్ఠ చేసినట్టు తెలిసింది. ప్రతిరోజూ కొనసాగించే పూజలు, ధూప దీప నైవేద్యాలు, ఆలయం చుట్టూ నెలకొన్న ఆధ్యాత్మిక వాతావరణం భక్తులను మరింతగా ఆకర్షిస్తుంటాయి.
సమంత–రాజ్ పెళ్లి జరిగిన రోజునుండే, ఈ ఆలయ సౌందర్యం, సంప్రదాయం, ఆధ్యాత్మికతను చూపించే ఫోటోలు ఇంటర్నెట్‌ను ఊపేస్తున్నాయి.