Download App

లోకేష్ కనగరాజ్ ‘DC’ ఓటీటీ డీల్ ఫిక్స్.. స్ట్రీమింగ్ ఎక్కడంటే?

ఆగస్ట్ 8, 2026 • By Srinivas
దర్శకుడిగా సంచలన విజయాలు అందుకున్న లోకేష్ కనగరాజ్ హీరోగా పరిచయమైన చిత్రం ‘DC’. అరుణ్ మాథేశ్వరన్ దర్శకత్వంలో తెరకెక్కిన ఈ క్రైమ్ యాక్షన్ డ్రామా ఇటీవలే థియేటర్లలోకి వచ్చింది. బాలీవుడ్ నటి వామికా గబ్బి ఈ సినిమాలో కథానాయికగా నటించింది. ఇక థియేట్రికల్ రిలీజ్ తర్వాత ఈ సినిమాకు...
లోకేష్ కనగరాజ్ ‘DC’ ఓటీటీ డీల్ ఫిక్స్.. స్ట్రీమింగ్ ఎక్కడంటే?

దర్శకుడిగా సంచలన విజయాలు అందుకున్న లోకేష్ కనగరాజ్ హీరోగా పరిచయమైన చిత్రం ‘DC’. అరుణ్ మాథేశ్వరన్ దర్శకత్వంలో తెరకెక్కిన ఈ క్రైమ్ యాక్షన్ డ్రామా ఇటీవలే థియేటర్లలోకి వచ్చింది. బాలీవుడ్ నటి వామికా గబ్బి ఈ సినిమాలో కథానాయికగా నటించింది.

ఇక థియేట్రికల్ రిలీజ్ తర్వాత ఈ సినిమాకు సంబంధించిన ఓటీటీ అప్‌డేట్ ఆసక్తిని రేకెత్తిస్తోంది. ‘DC’ డిజిటల్ స్ట్రీమింగ్ హక్కులను Sun NXT సొంతం చేసుకుంది. సినిమా ప్రారంభంలో వచ్చే క్రెడిట్స్‌లోనే Sun NXTను అధికారిక ఓటీటీ పార్ట్‌నర్‌గా మేకర్స్ వెల్లడించారు.

ఓటీటీ రిలీజ్ ఎప్పుడంటే?

ప్రస్తుతం ‘DC’ థియేటర్లలో ప్రదర్శితమవుతోంది. అయితే Sun NXTలో సినిమా ఎప్పుడు స్ట్రీమింగ్‌కు వస్తుందనే విషయాన్ని మేకర్స్ ఇంకా ప్రకటించలేదు. సాధారణంగా థియేట్రికల్ రన్ పూర్తయిన తర్వాత ఓటీటీ విడుదలపై స్పష్టత వచ్చే అవకాశం ఉంది.

లోకేష్ నటనకు ప్రశంసలు

‘DC’లో లోకేష్ కనగరాజ్ తొలిసారి హీరోగా కనిపించడంతో సినిమాపై ముందునుంచే ఆసక్తి నెలకొంది. విడుదల తర్వాత ఆయన నటనతో పాటు అరుణ్ మాథేశ్వరన్ టేకింగ్, యాక్షన్ ఎపిసోడ్స్‌కు మంచి స్పందన వస్తోంది.

Sun Pictures నిర్మించిన ఈ చిత్రానికి అనిరుధ్ రవిచందర్ సంగీతం అందించారు. దర్శకుడిగా ఎన్నో బ్లాక్‌బస్టర్స్ అందించిన లోకేష్.. నటుడిగా ఎలాంటి ఇంపాక్ట్ క్రియేట్ చేస్తాడో చూడాలనే ఆసక్తి అభిమానుల్లో ఉండగా, ఇప్పుడు ఓటీటీ హక్కులు కూడా ఫిక్స్ కావడంతో డిజిటల్ ప్రేక్షకుల్లోనూ క్యూరియాసిటీ పెరుగుతోంది.

థియేటర్లలో తన ప్రయాణం పూర్తిచేసుకున్న తర్వాత ‘DC’ Sun NXTలో స్ట్రీమింగ్ కానుంది. అయితే ఖచ్చితమైన ఓటీటీ ప్రీమియర్ తేదీ కోసం మరికొంత కాలం వేచి చూడాల్సిందే.

Srinivas

Srinivas is an entertainment journalist covering Telugu cinema, celebrity updates, movie reviews, and OTT news for over 9 years in IndiaGlitz.

View all posts