బ్యాక్ టు బ్యాక్ పాన్ ఇండియా బ్లాక్బస్టర్లతో ప్రేక్షకులను అలరిస్తున్న Adivi Sesh, ఇప్పుడు తన తాజా పాన్-ఇండియా యాక్షన్-రొమాంటిక్ థ్రిల్లర్ Dacoit తో మరోసారి థియేటర్లలోకి రావడానికి సిద్ధమయ్యారు. ఈ చిత్రం ఏప్రిల్ 10న ప్రపంచవ్యాప్తంగా విడుదల కానుంది.
ఈ చిత్రంతో Shaneil Deo దర్శకుడిగా పరిచయం అవుతుండగా, శేష్ సరసన Mrunal Thakur హీరోయిన్గా నటించారు. ప్రముఖ దర్శకుడు Anurag Kashyap ఈ చిత్రంలో కీలక పాత్రలో కనిపించనున్నారు.
డెకాయిట్ లో శేష్ తొలిసారిగా మాస్, రగ్గడ్ లుక్లో కనిపించబోతుండటం విశేషం. ఇప్పటికే విడుదలైన పోస్టర్లు, గ్లింప్స్, టీజర్తో పాటు ‘రుబారు’ వంటి పాటలు ప్రేక్షకుల నుంచి అద్భుతమైన స్పందనను దక్కించుకుని సినిమాపై భారీ అంచనాలు పెంచాయి.
ట్రూ బైలింగ్వల్ ప్రాజెక్ట్గా తెలుగు, హిందీ భాషల్లో ఒకేసారి రూపొందుతున్న ఈ చిత్రం తాజాగా రెండు భాషల్లో సెన్సార్ ప్రక్రియను పూర్తి చేసుకుంది. సెన్సార్ బోర్డు ఈ చిత్రానికి యూ/ఏ సర్టిఫికేట్ ఇవ్వడమే కాకుండా, సినిమా అద్భుతంగా ఉందని మూవీ టీంని అభినందించినట్లు సమాచారం.
అడివి శేష్ ఈ సినిమాతో డబుల్ హ్యాట్రిక్ సాధించనున్నారని ట్రేడ్ వర్గాలు భావిస్తున్నాయి.
Annapurna Studios సమర్పణలో, Supriya Yarlagadda నిర్మించిన ఈ చిత్రానికి Suniel Narang సహ నిర్మాతగా వ్యవహరించారు.
సంగీతాన్ని Bheems Ceciroleo అందించగా, సినిమాటోగ్రఫీని ధనుష్ భాస్కర్ నిర్వహించారు. నేపథ్య సంగీతాన్ని జ్ఞాని సమకూర్చారు.
మొత్తానికి, యాక్షన్, ఎమోషన్, రొమాన్స్ మేళవింపుతో రూపొందుతున్న డెకాయిట్ ఈ సీజన్లో అత్యంత ఆసక్తికరమైన చిత్రాల్లో ఒకటిగా నిలుస్తోంది.
