“కరసామి మీద పడ్డ మచ్చ ఏంటి? అతను ఆ మచ్చను ఎలా తుడుచుకున్నాడు?” — ఈ ప్రశ్నలకే సమాధానం ‘కర’ సినిమాలో దొరుకుతుందని మేకర్స్ చెబుతున్నారు. Dhanush హీరోగా నటించిన ఈ చిత్రం ఏప్రిల్ 30న ప్రేక్షకుల ముందుకు రానుంది.
కుష్మిత గణేష్ సమర్పణలో, Dr. Ishari K. Ganesh నిర్మించిన ఈ చిత్రానికి Vignesh Raja దర్శకత్వం వహించారు. తెలుగు రాష్ట్రాల్లో ఈ సినిమాను Vigneswara Entertainments మరియు R Star Logistics బ్యానర్లపై సిహెచ్ సతీష్ కుమార్, రాజేష్ కుమార్ బొబ్బర విడుదల చేస్తున్నారు.
ధనుష్కు జోడీగా Mamitha Baiju నటించగా, తాజాగా విడుదలైన తెలుగు టీజర్ సినిమాపై ఆసక్తిని మరింత పెంచింది. టీజర్ పూర్తిగా ఇంటెన్స్ మూడ్లో సాగుతూ, కథను వెల్లడించకుండా పాత్రల భావోద్వేగాలను, పరిస్థితులను హైలైట్ చేస్తోంది.
టైటిల్ పాత్రలో కనిపిస్తున్న ధనుష్ ఈ సినిమాలో విభిన్న కోణాల్లో కనిపించబోతున్నారని టీజర్ స్పష్టంగా చూపిస్తోంది. ఒక వైపు సమస్యలను ఎదుర్కొనే యువకుడిగా, మరో వైపు లోతైన భావోద్వేగాలతో నిండిన వ్యక్తిగా ఆయన పాత్ర డిజైన్ చేయబడింది. తనదైన నటనతో పాత్రలో పూర్తిగా లీనమైపోయిన ధనుష్ మరోసారి పెర్ఫార్మెన్స్తో ఆకట్టుకునేలా కనిపిస్తున్నారు.
ఇప్పటికే డిఫరెంట్ ప్రమోషనల్ స్ట్రాటజీలతో సినిమాపై అంచనాలు పెరుగుతుండగా, ఇటీవల విడుదలైన పోస్టర్కు మంచి స్పందన వచ్చింది. ఇప్పుడు టీజర్ కూడా అదే ట్రెండ్ను కొనసాగిస్తోంది.
ఈ చిత్రానికి సంగీతాన్ని G. V. Prakash Kumar అందిస్తుండగా, సినిమాటోగ్రఫీని Theni Eswar నిర్వహిస్తున్నారు. త్వరలోనే ట్రైలర్ను విడుదల చేయడానికి మేకర్స్ సిద్ధమవుతున్నారు.
కథ, పాత్రల మీద ఆధారపడిన ఈ చిత్రం ప్రేక్షకులను ఎలా ఆకట్టుకుంటుందో చూడాలి.