మెగాస్టార్ చిరంజీవి తన భారీ ప్రాజెక్ట్ మనా శంకర వరప్రసాద్ గారు షూటింగ్‌ను చిన్న విరామం తర్వాత తిరిగి ప్రారంభించారు. సెప్టెంబర్ మూడవ వారాంతం వరకు ఈ షెడ్యూల్ కొనసాగనుందని సమాచారం. రీసెంట్ గా రిలీజ్ చేసిన ఫాన్స్ నుండి ఊహించని స్పందన వచ్చిన విషయం తెలిసిందే.
ప్రస్తుతం దర్శకుడు అనిల్ రవిపూడి ఈ షెడ్యూల్‌లో రెండు పాటల షూట్‌లో బిజీగా ఉన్నారు. అందులో ఒక రొమాంటిక్ డ్యూయెట్ చిరంజీవి, నయనతార మధ్య తెరకెక్కుతోంది. ఈ పాట సెప్టెంబర్ షెడ్యూల్ ముగింపుకు ముందే పూర్తి చేయాలని అనుకుంటున్నట్లు సమాచారం.
సంగీత దర్శకుడు భీమ్స్ ఈ సినిమాకు సంగీతం అందిస్తున్నారు. చిరంజీవితో ఇది ఆయన మొదటి ప్రాజెక్ట్ కాబట్టి, పాటలు ప్రేక్షకులను మెప్పించే రీతిలో ఉంటాయనేది అంచనా.
ఇకపోతే, కథలో కీలక పాత్రలో నటిస్తున్న వెంకటేష్ ఈ పాటల షూట్ ముగిసిన తర్వాతే సెట్లకు చేరతారు. అనిల్ రవిపూడి ఈ చిత్రాన్ని పూర్తి ఎంటర్టైనర్‌గా తెరకెక్కిస్తున్నారు. నయనతార గ్లామరస్, లైవ్లీ పాత్రలో కనిపిస్తారు.
స్టార్ కాస్ట్, ఆకట్టుకునే పాటల సీక్వెన్స్‌లతో సినిమా ఇప్పటికే ఫ్యాన్స్‌లో క్రేజ్ సృష్టిస్తోంది. త్వరలో ఈ బిగ్ స్టార్ త్రయం తెరపై కలిసిన అద్భుత కామిస్ట్రీని అందించనుంది.