సూపర్ స్టార్ రజనీకాంత్ – లోకేష్ కనగరాజ్ కాంబినేషన్ లో వచ్చిన చిత్రం కూలీ. ఆగస్ట్ 14 న థియేటర్లలో రిలీజ్ అయిన ఈ చిత్రం మిక్స్డ్ టాక్ ని మూటగట్టుకుంది. అయితే నెలైనా గడవకముందే ఓటిటి రిలీజ్ కి సిద్ధమైంది.
ప్రైమ్ వీడియో వేదికగా, సెప్టెంబర్ 11 నుండి తమిళ భాషలో, భారతదేశం సహా ప్రపంచవ్యాప్తంగా 240 దేశాలు మరియు భూభాగాల్లో “కూలీ” ప్రత్యేకంగా ప్రసారం కానుంది. అదనంగా, ఈ చిత్రం తెలుగు, మలయాళం, కన్నడ భాషల్లోనూ డబ్ చేయబడింది.
విశాఖపట్నం రేవుల ప్రాంతం నేపథ్యంలో సాగే ఈ కథలో, ఒకప్పుడు కూలీగా పనిచేసిన దేవ (రజనీకాంత్) తన ప్రాణస్నేహితుడి అనుమానాస్పద మరణం వెనుక మిస్టరీని చేధించే క్రమంలో స్మగ్లింగ్ సిండికేట్తో తలపడతాడు. ఈ ప్రయాణంలో అతడు రహస్య ఎలక్ట్రిక్ కుర్చీ, దాచిన నిజాలు, మరియు తన చుట్టుపక్కల ఉన్న ఒక ద్రోహిని ఎదుర్కొంటాడు.
న్యాయం కోసం అతని యుద్ధం, గతంలోని జ్ఞాపకాలతో ఢీకొని, ద్రోహం మరియు అసంపూర్ణ వ్యాపారాల నడుమ సాగుతుంది. ఈ పోరాటం న్యాయం, నిజాయితీ, మనుగడ, తిరుగుబాటుతో కూడిన కనికరంలేని యుద్ధంగా మారుతుంది.
యాక్షన్, సస్పెన్స్, భావోద్వేగాలు, మరియు రజనీకాంత్ శక్తివంతమైన నటనతో కూడిన “కూలీ”, ఆయన 50 ఏళ్ల సినీప్రస్థానానికి ఒక ఘనమైన వేడుకగా నిలుస్తుంది. అదే సమయంలో కొత్తతరం ప్రేక్షకులకు కూడా ఇది ఒక ప్రత్యేకమైన దృశ్యానుభూతిని అందించనుంది.
ఈ చిత్రంలో రజనీకాంత్తో పాటు అగ్ర తారాగణం నటించింది. వారిలో అక్కినేని నాగార్జున, సౌబిన్ షాహిర్, ఉపేంద్ర, శృతి హాసన్, సత్యరాజ్, అమీర్ ఖాన్, రచితా రామ్, పూజా హెగ్డే వంటి ప్రముఖులు ఉన్నారు.
ఈ చిత్రానికి సంగీతాన్ని అనిరుధ్ రవిచందర్ అందించారు.
