మెగా సుప్రీం హీరో సాయి దుర్గా తేజ్ నటిస్తున్న పాన్-ఇండియా భారీ చిత్రం “SYG (సంబరాల ఏటిగట్టు)” మరోసారి వార్తల్లో నిలిచింది. రోహిత్ కెపి దర్శకత్వంలో, హనుమాన్ వంటి బ్లాక్బస్టర్ను అందించిన ప్రైమ్షో ఎంటర్టైన్మెంట్ బ్యానర్పై కె నిరంజన్ రెడ్డి, చైతన్య రెడ్డి నిర్మిస్తున్న ఈ చిత్రం నెక్స్ట్ లెవల్లో రూపుదిద్దుకుంటోంది. ఇప్పటికే విడుదలైన “అసుర ఆగమన” గ్లింప్స్కు అద్భుతమైన స్పందన రావడం సినిమాపై అంచనాలను మరింత పెంచింది.
ఈ సినిమాలో సీనియర్ హీరో శ్రీకాంత్ కీలకమైన పవర్ఫుల్ పాత్రలో కనిపించనున్నారు. ఆయన బర్త్డే సందర్భంగా మేకర్స్ విడుదల చేసిన కొత్త పోస్టర్ ప్రత్యేక ఆకర్షణగా నిలిచింది. ప్రతి గాయాన్ని ఒక పతకంలా ధరించిన సైనికుడిగా శ్రీకాంత్ లుక్ ఎంతో ఇంటెన్స్గా, ప్రభావవంతంగా కనిపిస్తోంది. ఈ పోస్టర్కు సోషల్ మీడియాలో భారీ రెస్పాన్స్ వస్తోంది.
ఇక షూటింగ్ శరవేగంగా కొనసాగుతున్న ఈ చిత్రానికి టాప్ టెక్నికల్ టీమ్ పని చేస్తోంది. సినిమాటోగ్రఫీని వెట్రివేల్ పళనిసామి అందిస్తుండగా, సంగీతాన్ని బి. అజనీష్ లోకనాథ్ సమకూరుస్తున్నారు. ఎడిటింగ్ బాధ్యతలను నవీన్ విజయకృష్ణ నిర్వహిస్తుండగా, ప్రొడక్షన్ డిజైన్ను గాంధీ నడికుడికర్ రూపొందిస్తున్నారు.
తెలుగు, తమిళ, హిందీ, కన్నడ, మలయాళ భాషల్లో గ్రాండ్గా విడుదలకు సిద్ధమవుతున్న “సంబరాల ఏటిగట్టు” ఈ ఏడాది బిగ్గెస్ట్ సినిమాటిక్ ఈవెంట్గా నిలవనుందని సినీ వర్గాలు భావిస్తున్నాయి.
