Download App

‘ఉస్తాద్ భగత్ సింగ్’ అప్‌డేట్: శరవేగంగా నిర్మాణాంతర పనులు, డబ్బింగ్ ప్రారంభం

జనవరి 28, 2026 • By Srinivas
ఉస్తాద్ భగత్ సింగ్ సినిమాపై తెలుగు సినీ ప్రేక్షకుల్లో అంచనాలు రోజురోజుకీ పెరుగుతున్నాయి. పవర్ స్టార్ Pawan Kalyan కథానాయకుడిగా నటిస్తున్న ఈ చిత్రం తాజాగా కీలకమైన పోస్ట్ ప్రొడక్షన్ దశలోకి అడుగుపెట్టింది. శుభ ముహూర్తంలో డబ్బింగ్ కార్యక్రమాలు ప్రారంభమవడం చిత్ర బృందంలో కొత్త ఉత్సాహాన్ని నింపింది. తన...
‘ఉస్తాద్ భగత్ సింగ్’ అప్‌డేట్: శరవేగంగా నిర్మాణాంతర పనులు, డబ్బింగ్ ప్రారంభం

ఉస్తాద్ భగత్ సింగ్ సినిమాపై తెలుగు సినీ ప్రేక్షకుల్లో అంచనాలు రోజురోజుకీ పెరుగుతున్నాయి. పవర్ స్టార్ Pawan Kalyan కథానాయకుడిగా నటిస్తున్న ఈ చిత్రం తాజాగా కీలకమైన పోస్ట్ ప్రొడక్షన్ దశలోకి అడుగుపెట్టింది. శుభ ముహూర్తంలో డబ్బింగ్ కార్యక్రమాలు ప్రారంభమవడం చిత్ర బృందంలో కొత్త ఉత్సాహాన్ని నింపింది.

తన దూకుడైన కథన శైలి, మాస్ ప్రేక్షకులను ఆకట్టుకునే డైలాగ్స్‌తో ప్రత్యేక గుర్తింపు తెచ్చుకున్న దర్శకుడు Harish Shankar ఈ సినిమాను మరో స్థాయికి తీసుకెళ్లేలా నిర్మాణాంతర పనులను వేగంగా పర్యవేక్షిస్తున్నారు. అభిమానులు ప్రేమగా పిలిచే “కల్ట్ కెప్టెన్” అనే బిరుదుకు తగ్గట్టుగానే, ‘ఉస్తాద్ భగత్ సింగ్’ను ఓ కల్ట్ మాస్ ఎంటర్‌టైనర్గా మలచేందుకు ఆయన పూర్తి శక్తిని వినియోగిస్తున్నారు. ఈ చిత్రంలో ప్రేక్షకులను ఉర్రూతలూగించే సంభాషణలు, థియేటర్‌లో ఈలలు వేయించే సన్నివేశాలు ఉంటాయని చిత్ర బృందం ధీమాగా చెబుతోంది.

త్వరలోనే పవర్ స్టార్ పవన్ కళ్యాణ్ స్వయంగా డబ్బింగ్ కార్యక్రమాల్లో పాల్గొననుండటంతో అభిమానుల్లో ఉత్సాహం మరింత పెరిగింది. ఆయన వాయిస్‌తో పాత్రకు ప్రాణం పోసే దశకు చేరుకోవడం సినిమాపై క్రేజ్‌ను రెట్టింపు చేస్తోంది.

సూపర్ హిట్ చిత్రం గబ్బర్ సింగ్ తరువాత పవన్ కళ్యాణ్ – హరీష్ శంకర్ కాంబినేషన్‌లో రూపొందుతున్న సినిమా కావడంతో ‘ఉస్తాద్ భగత్ సింగ్’పై అంచనాలు తారాస్థాయికి చేరాయి. ఈ భారీ ప్రాజెక్ట్‌ను Mythri Movie Makers బ్యానర్‌పై నిర్మాతలు నవీన్ యెర్నేని, రవి శంకర్ యలమంచిలి ఎక్కడా రాజీ పడకుండా ప్రతిష్టాత్మకంగా నిర్మిస్తున్నారు.

సంగీత దర్శకుడు Devi Sri Prasad స్వరపరిచిన పాటలు ఇప్పటికే ప్రేక్షకుల దృష్టిని ఆకర్షిస్తున్నాయి. ముఖ్యంగా విడుదలైన ‘దేఖ్ లేంగే సాలా’ పాట మాస్ ఆడియెన్స్‌ను ఊపేస్తూ చార్ట్‌బస్టర్‌గా మారింది.

Srinivas

Srinivas is an entertainment journalist covering Telugu cinema, celebrity updates, movie reviews, and OTT news for over 9 years in IndiaGlitz.

View all posts