Download App

దావోస్‌లో కీలక భేటీ: జెరోధాతో ఏపీ ఫిన్‌టెక్ భాగస్వామ్యానికి నారా లోకేష్ పిలుపు

జనవరి 22, 2026 • By Srinivas
దావోస్ (స్విట్జర్లాండ్): వరల్డ్ ఎకనామిక్ ఫోరం వార్షిక సదస్సు వేదికగా ఆంధ్రప్రదేశ్ రాష్ట్ర విద్య, ఐటీ శాఖల మంత్రి నారా లోకేష్ ప్రముఖ స్టాక్ బ్రోకింగ్ సంస్థ Zerodha ఫౌండర్ నిఖిల్ కామత్ తో కీలక సమావేశం నిర్వహించారు. ఈ సందర్భంగా మంత్రి లోకేష్ మాట్లాడుతూ, ప్లాట్‌ఫామ్ ఇంజనీరింగ్,...
దావోస్‌లో కీలక భేటీ: జెరోధాతో ఏపీ ఫిన్‌టెక్ భాగస్వామ్యానికి నారా లోకేష్ పిలుపు

దావోస్ (స్విట్జర్లాండ్): వరల్డ్ ఎకనామిక్ ఫోరం వార్షిక సదస్సు వేదికగా ఆంధ్రప్రదేశ్ రాష్ట్ర విద్య, ఐటీ శాఖల మంత్రి నారా లోకేష్ ప్రముఖ స్టాక్ బ్రోకింగ్ సంస్థ Zerodha ఫౌండర్ నిఖిల్ కామత్ తో కీలక సమావేశం నిర్వహించారు.

ఈ సందర్భంగా మంత్రి లోకేష్ మాట్లాడుతూ, ప్లాట్‌ఫామ్ ఇంజనీరింగ్, బ్యాకెండ్ సిస్టమ్స్, ట్రేడింగ్ అల్గోరిథంలు, డేటా అనలిటిక్స్, ఫిన్‌టెక్ రీసెర్చ్ & డెవలప్‌మెంట్‌పై ప్రత్యేక దృష్టితో విశాఖపట్నంలో టెక్నాలజీ డెవలప్‌మెంట్ సెంటర్‌ను ఏర్పాటు చేయాలని జెరోధాను ఆహ్వానించారు. ఇది రాష్ట్రంలో ఉన్న యువ ప్రతిభకు ఉపాధి అవకాశాలు పెంచడమే కాకుండా, ఏపీని ఫిన్‌టెక్ హబ్‌గా తీర్చిదిద్దేందుకు దోహదపడుతుందని ఆయన పేర్కొన్నారు.

అదేవిధంగా, ఫిన్‌టెక్ స్టార్టప్‌లను ప్రోత్సహిస్తూ రాష్ట్ర ఎంటర్‌ప్రెన్యూర్‌షిప్ ఎకోసిస్టమ్‌ను బలోపేతం చేయడానికి Ratan Tata Innovation Hubతో భాగస్వామ్యంగా లీడ్ మెంటర్ పాత్రను జెరోధా పోషించాలని మంత్రి లోకేష్ సూచించారు.

దావోస్‌లో కీలక భేటీ: జెరోధాతో ఏపీ ఫిన్‌టెక్ భాగస్వామ్యానికి నారా లోకేష్ పిలుపు

మరో కీలక ప్రతిపాదనగా, భారతదేశంలోనే తొలిసారిగా పాఠశాల స్థాయి నుంచి కళాశాల స్థాయి వరకు, మల్టిపుల్ డెలివరీ ఛానెళ్ల ద్వారా రాష్ట్రవ్యాప్తంగా ఫైనాన్షియల్ లిటరసీ కార్యక్రమాన్ని రూపొందించి అమలు చేయడానికి Andhra Pradesh Governmentతో కలిసి పనిచేయాలని జెరోధాను కోరారు. ఇది యువతలో ఆర్థిక అవగాహన పెంచి, బాధ్యతాయుతమైన పెట్టుబడి సంస్కృతిని నెలకొల్పుతుందని ఆయన వివరించారు.

ఈ ప్రతిపాదనలపై స్పందించిన నిఖిల్ కామత్, ఏపీ ప్రభుత్వం ముందుంచిన ఆలోచనలను సవివరంగా పరిశీలిస్తామని, సహకార అవకాశాలపై చర్చ కొనసాగిస్తామని తెలిపారు. అంతర్జాతీయ వేదికపై జరిగిన ఈ సమావేశం, ఆంధ్రప్రదేశ్ ఫిన్‌టెక్ రంగంలో కొత్త పెట్టుబడులు మరియు భాగస్వామ్యాలకు బాట వేస్తుందనే అభిప్రాయం వ్యక్తమవుతోంది.

ఈ సమావేశం దావోస్, స్విట్జర్లాండ్లో జరుగుతున్న వరల్డ్ ఎకనామిక్ ఫోరం నేపథ్యంలో జరగడం విశేషం.

Srinivas

Srinivas is an entertainment journalist covering Telugu cinema, celebrity updates, movie reviews, and OTT news for over 9 years in IndiaGlitz.

View all posts

మరిన్ని వార్తలు

Trending Now

No trending articles in this category from the last 3 days.