నవ దళపతి సుధీర్ బాబు, సోనాక్షి సిన్హా ప్రధాన పాత్రల్లో నటిస్తున్న మోస్ట్ ఎవైటెడ్ సూపర్ నేచురల్ మైథలాజికల్ థ్రిల్లర్ ‘జటాధర’ నవంబర్ 7న తెలుగు, హిందీ భాషల్లో గ్రాండ్ రిలీజ్కు సిద్ధమవుతోంది. అద్భుతమైన సినిమాటిక్ ఎక్స్పీరియన్స్ ఇవ్వనున్న ఈ పాన్ఇండియా చిత్రానికి వెంకట్ కళ్యాణ్, అభిషేక్ జైస్వాల్ సంయుక్తంగా దర్శకత్వం వహించారు. జీ స్టూడియోస్, ప్రేరణ అరోరా సమర్పణలో ఉమేష్ కుమార్ బన్సల్, శివిన్ నారంగ్, అరుణ అగర్వాల్, ప్రేరణ అరోరా, శిల్పా సింగ్హల్, నిఖిల్ నందా సంయుక్తంగా నిర్మిస్తున్నారు.
ఈ చిత్రంలో కీలక పాత్రలో నటించిన శిల్పా శిరోధ్కర్, చాలా ఏళ్ల తర్వాత మళ్లీ తెలుగులోకి రీఎంట్రీ ఇస్తున్నారు. ఈ సందర్భంగా ఆమె మీడియాతో మాట్లాడుతూ సినిమా విశేషాలను పంచుకున్నారు.
రీఎంట్రీ గురించి…
శిల్పా శిరోధ్కర్ మాట్లాడుతూ – “బ్రహ్మ సినిమా తర్వాత ఇన్ని ఏళ్లకు మళ్లీ తెలుగులోకి రావడం చాలా హ్యాపీగా ఉంది. ‘జటాధర’లో నేను ‘శోభ’ అనే పాత్రలో కనిపిస్తాను. ఈ క్యారెక్టర్కి డబ్బు అంటే పిచ్చి. ఎలాగైనా రిచ్ అయిపోవాలని కోరుకునే మహిళ. చాలా ఇంపార్టెంట్ రోల్ ఇది. ఇలాంటి పాత్ర నేను ఇంతకు ముందు చేయలేదు. కానీ మా డైరెక్టర్స్ క్లారిటీ, సపోర్ట్ వల్ల ఆ క్యారెక్టర్ని సక్సెస్ఫుల్గా చేయగలిగాను. ఈ సినిమాతో రీఎంట్రీ ఇవ్వడం చాలా స్పెషల్గా అనిపిస్తోంది.”
సుధీర్ బాబు గారితో వర్క్ …
“సుధీర్ బాబు గారితో పనిచేయడం వండర్ఫుల్ ఎక్స్పీరియన్స్. ఆయన చాలా డెడికేటెడ్ ఆర్టిస్ట్. 100% ఇన్వాల్వ్మెంట్తో ఈ ప్రాజెక్ట్ చేశారు. ఈ జనరేషన్ యాక్టర్స్ నుంచి నేర్చుకోవాల్సిన చాలా విషయాలు ఉన్నాయి. ఆయనతో స్క్రీన్ షేర్ చేయడం నాకు చాలా సంతోషంగా ఉంది. ఆయన మా రిలేటివ్ అయినప్పటికీ, సెట్లో మేము పూర్తిగా ప్రొఫెషనల్స్గానే ఉంటాము.”
మహేష్ బాబు ట్రైలర్ లాంచ్ చేసిన సందర్భంలో…
“మా ట్రైలర్ని మహేష్ బాబు గారు లాంచ్ చేయడం చాలా ఆనందంగా ఉంది. ఆయన ఇండస్ట్రీలోకి వెల్కమ్ చెప్పడం నాకు చాలా హ్యాపీగా అనిపించింది. అది నాకు మరింత ఇన్స్పిరేషన్ ఇచ్చింది.”
తెలుగు ఇండస్ట్రీలో మార్పులు
“బ్రహ్మ తర్వాత చాలా మార్పులు చూశాను. ఇప్పుడు తెలుగు సినిమా కంటెంట్ పరంగా, టెక్నికల్ పరంగా చాలా అడ్వాన్స్ అయ్యింది. ఇండస్ట్రీ ప్రస్తుతం బెస్ట్ ఫేజ్లో ఉంది. ఈ జనరేషన్ సినిమాలు చాలా క్వాలిటీగా వస్తున్నాయి.”
జటాధర సినిమా గురించి
“‘జటాధర’ ఒక సూపర్ నేచురల్ థ్రిల్లర్. ఇందులో స్టన్నింగ్ విజువల్స్, ఎమోషనల్ డెప్త్ అద్భుతంగా ఉంటాయి. మ్యూజిక్ కూడా చాలా బాగుంది. ప్రతి వయసు వారిని కనెక్ట్ అయ్యే సినిమా ఇది. థియేటర్లో ఆడియన్స్కి ఒక గ్రేట్ ఎక్స్పీరియన్స్ ఇవ్వబోతోంది.”
డైరెక్టర్స్ వెంకట్ కళ్యాణ్, అభిషేక్ గురించి
“వెంకట్, అభిషేక్ ఇద్దరూ క్లారిటీ ఉన్న డైరెక్టర్స్. యాక్టర్స్ నుంచి ఏం కావాలో వారికి పూర్తిగా తెలుసు. ప్రతి నటుడి నుండి బెస్ట్ పెర్ఫార్మెన్స్ని రాబట్టుకున్నారు.”
నిర్మాతల గురించి
“ప్రేరణ అరోరా చాలా ప్యాషనేట్ ప్రొడ్యూసర్. కథ విన్నప్పుడే ఎంతో ఆసక్తికరంగా అనిపించింది. చాలా మంచి ప్రొడక్షన్ వాల్యూస్తో సినిమాను రూపొందించారు. మొత్తం టీమ్ చాలా సపోర్టివ్గా ఉంది.”
హిందీ వెర్షన్ రెస్పాన్స్
“సినిమా కోసం తెలుగు, హిందీ ఆడియన్స్ ఇద్దరూ ఎంతో ఆసక్తిగా ఎదురుచూస్తున్నారు. ట్రైలర్ రిలీజ్ అయిన తర్వాత అంచనాలు మరింతగా పెరిగాయి. నవంబర్ 7న ప్రేక్షకులు ఖచ్చితంగా ఒక అద్భుతమైన విజువల్ ట్రీట్ చూడబోతున్నారు.”
ఇష్టమైన జానర్ & డ్రీమ్ రోల్
“నాకు రొమాంటిక్ కామెడీలు చాలా ఇష్టం. మంచి సినిమాలు చేయడం, ప్రేక్షకుల హృదయాల్లో నిలిచిపోవడం – అదే నా డ్రీమ్.”