దుల్కర్ సల్మాన్ ‘కాంత’ రిలీజ్ డేట్ ఫిక్స్
October 20, 2025 Published by Srinivas
దుల్కర్ సల్మాన్ నటిస్తున్న మోస్ట్ అవైటెడ్ పీరియడ్ డ్రామా ‘కాంత’ రిలీజ్ డేట్ను ప్రకటించింది. ఇప్పటికే ఈ సినిమా టీజర్, ఫస్ట్ సాంగ్తో ప్రేక్షకుల అంచనాలు ఆకాశాన్ని తాకాయి. ఇప్పుడు దీపావళి సందర్భంగా మేకర్స్ ఒక బిగ్ అప్డేట్ ఇచ్చారు… కాంత నవంబర్ 14న ప్రపంచవ్యాప్తంగా థియేటర్లలో విడుదల కానుంది.
సెల్వమణి సెల్వరాజ్ దర్శకత్వం వహించిన ఈ తమిళ-తెలుగు ద్విభాషా చిత్రం 1950 మద్రాస్ నేపథ్యంలో సాగుతుంది. సినిమా ప్రపంచం చుట్టూ తిరిగే ఈ కథలో ఆ కాలపు కలలు, పోరాటాలు, భావోద్వేగాలను చూపించబోతున్నారు.
ఈ చిత్రంలో దుల్కర్ సల్మాన్ ప్రధాన పాత్రలో కనిపించగా, సముద్రఖని కీలక పాత్రలో, భాగ్యశ్రీ బొరుసే హీరోయిన్గా నటించారు. తాజాగా విడుదలైన రిలీజ్ డేట్ పోస్టర్లో ముగ్గురు ప్రధాన పాత్రధారులు గంభీరమైన హావభావాలతో కనిపిస్తూ వింటేజ్ లుక్ను అందించారు.
కాంత సినిమాను రానా దగ్గుబాటి, దుల్కర్ సల్మాన్, ప్రశాంత్ పోట్లూరి, జోమ్ వర్గీస్ కలిసి స్పిరిట్ మీడియా ప్రైవేట్ లిమిటెడ్ మరియు వేఫరర్ ఫిల్మ్స్ ప్రైవేట్ లిమిటెడ్ బ్యానర్లపై అత్యంత ప్రతిష్టాత్మకంగా నిర్మిస్తున్నారు.
టెక్నికల్ విభాగంలో కూడా ఈ సినిమాకు బలమైన క్రూ ఉంది. సంగీతాన్ని ఝాను చాంతర్ సమకూరుస్తుండగా, సినిమాటోగ్రఫీని డానీ సాంచెజ్ లోపెజ్ నిర్వహిస్తున్నారు. 1950ల మద్రాస్ వాతావరణాన్ని నిజమైనదిగా చూపించేందుకు థా. రామలింగం ఆర్ట్ డైరెక్షన్ బాధ్యతలు చేపట్టారు. అదనపు స్క్రీన్ప్లేను తమిళ్ ప్రభా అందించగా, ఎడిటింగ్ పనిని లూయెలిన్ ఆంథోనీ గోన్సాల్వెస్ పూర్తి చేశారు.
ఇంకా విడుదలకు మూడు వారాలే మిగిలి ఉండటంతో, మేకర్స్ వరుసగా కొత్త అప్డేట్లు, ప్రమోషనల్ మెటీరియల్స్ విడుదల చేయాలని ప్లాన్ చేస్తున్నారు.
