చార్మింగ్ స్టార్ Sharwanand నటిస్తున్న నారి నారి నడుమ మురారి టీజర్ చూస్తే మొదటి ఫ్రేమ్ నుంచే ఒక విషయం క్లియర్ అవుతుంది—ఇది పక్కా సంక్రాంతి పండగ సినిమానే. హాస్యం, భావోద్వేగం, ఫ్యామిలీ డ్రామాను సమపాళ్లలో మేళవిస్తూ దర్శకుడు Ram Abbaraju మరోసారి క్లీన్ ఎంటర్టైన్మెంట్ మీద తన పట్టును చూపించారు.
టీజర్ కథానాయకుడి ప్రేమకథతో ప్రారంభమవుతుంది. శర్వా పాత్ర ప్రేమలో పడటం, పెళ్లికి సిద్ధమవడం అన్నీ హ్యాపీగా సాగుతుండగా… అకస్మాత్తుగా అతని మాజీ ప్రేయసి ఆఫీస్లో బాస్గా ఎంట్రీ ఇవ్వడం కథకు ట్విస్ట్. ఇక్కడ నుంచే అసలు ఎంటర్టైన్మెంట్ మొదలవుతుంది. ఇద్దరు అమ్మాయిల మధ్య ఇరుక్కున్న హీరో పరిస్థితులు, వాటి నుంచి పుట్టే హ్యూమర్ టీజర్కు మెయిన్ హైలైట్.
శర్వా ఈ పాత్రలో చాలా ఈజ్తో నటించారు. ఫ్లాష్బ్యాక్లో ఎనర్జిటిక్ లవర్ బాయ్గా కనిపిస్తే, ప్రెజెంట్ ట్రాక్లో క్లాస్, చార్మ్తో మెప్పించారు. కామిక్ టైమింగ్ చాలా నేచురల్గా వర్క్ అయ్యింది. అతని ఎక్స్ప్రెషన్స్, బాడీ లాంగ్వేజ్ టీజర్ అంతా నవ్వులు పూయించేలా ఉన్నాయి.
ప్రెజెంట్ లవ్గా Sakshi Vaidya, మాజీ ప్రేయసిగా Samyukta తమ పాత్రలకు చక్కగా న్యాయం చేశారు. ఇద్దరి మధ్య కాంట్రాస్ట్, హీరోతో కెమిస్ట్రీ టీజర్లో బాగా సెట్ అయ్యాయి.
కామెడీ విషయానికి వస్తే Naresh Vijayakrishna తనదైన టైమింగ్తో సినిమాకు పెద్ద ప్లస్ అయ్యారు. సత్య, సునీల్, సుదర్శన్ లాంటి సహాయ నటులు సిట్యుయేషనల్ కామెడీని మరింత ఎత్తుకు తీసుకెళ్లారు.
సినిమాటోగ్రఫీ రిచ్గా ఉంది. కేరళ బ్యాక్డ్రాప్స్ విజువల్గా మంచి ఫీల్ ఇచ్చాయి. Vishal Chandrashekhar అందించిన బ్యాక్గ్రౌండ్ స్కోర్ టీజర్ ఎనర్జీని బాగా క్యారీ చేసింది. ప్రొడక్షన్ విల్యూస్ కూడా ఫెస్టివల్ రేంజ్లో గ్లోసీగా కనిపిస్తున్నాయి.
మొత్తంగా చెప్పాలంటే, నారి నారి నడుమ మురారి టీజర్ యూత్తో పాటు ఫ్యామిలీ ఆడియన్స్ను సమానంగా ఆకట్టుకునేలా ఉంది. పక్కా నవ్వులు, ఎమోషన్, రిలేషన్ డ్రామాతో ఇది ఒక కంప్లీట్ సంక్రాంతి ఎంటర్టైనర్ అని బలంగా హింట్ ఇస్తోంది. జనవరి 14 సాయంత్రం 5:49 ఫస్ట్ షోతో థియేటర్లలో ఈ సినిమా ఎంత రేంజ్లో అలరిస్తుందో చూడాలి.
