మెగా పవర్ స్టార్ Ram Charan నటిస్తున్న మచ్ అవైటెడ్ రస్టిక్ స్పోర్ట్స్ డ్రామా Peddiపై అంచనాలు రోజురోజుకీ పెరుగుతున్నాయి. ఇప్పటికే విడుదలైన గ్లింప్సెస్లో రామ్ చరణ్ పవర్ఫుల్ స్క్రీన్ ప్రెజెన్స్ ప్రేక్షకులను విపరీతంగా ఆకట్టుకోగా, ఇప్పుడు ఈ సినిమాకు పాన్ ఇండియా స్థాయిలో భారీ ప్రమోషన్స్ ప్రారంభమయ్యాయి.
Buchi Babu Sana దర్శకత్వంలో రూపొందుతున్న ఈ చిత్రాన్ని నిర్మాత వెంకట సతీష్ కిలారు Vriddhi Cinemas బ్యానర్పై భారీ స్థాయిలో నిర్మిస్తున్నారు. భారతీయ సినిమాకు కొత్త అనుభూతిని అందించే విజువల్ స్పెక్టకిల్గా తెరకెక్కుతున్న ఈ చిత్రం ట్రైలర్ను మే 18న ముంబైలో గ్రాండ్ ఈవెంట్ ద్వారా విడుదల చేయనున్నారు.
ఇంతలో మేకర్స్ మరో ఆసక్తికర అప్డేట్తో ప్రేక్షకుల ముందుకు వచ్చారు. Mirzapur ఫేమ్ Divyenndu Sharma పోషిస్తున్న పవర్ఫుల్ పాత్ర ‘రామ్ బుజ్జి’ని పరిచయం చేస్తూ ప్రత్యేక వీడియో విడుదల చేశారు.
క్రికెట్ మైదానంలో రామ్ బుజ్జి ఇచ్చిన మాస్ ఎంట్రీ, అతని రగ్గడ్ యాటిట్యూడ్, బాడీ లాంగ్వేజ్ పాత్రలోని ఇంటెన్సిటీని బలంగా హైలైట్ చేశాయి. దివ్యేందు శర్మ స్క్రీన్ ప్రెజెన్స్కు బ్యాక్గ్రౌండ్ స్కోర్ తోడవడంతో వీడియోకు అదిరిపోయే మాస్ వైబ్ వచ్చింది. దీంతో ‘రామ్ బుజ్జి’ పాత్ర కథలో ఎంత కీలకంగా ఉండబోతోందోనన్న ఆసక్తి ప్రేక్షకుల్లో మరింత పెరిగింది.
ఈ చిత్రంలో Janhvi Kapoor కథానాయికగా నటిస్తుండగా, Shiva Rajkumar, Jagapathi Babu కీలక పాత్రల్లో కనిపించనున్నారు.
ఈ చిత్రాన్ని Mythri Movie Makers, Sukumar Writings సమర్పిస్తున్నాయి. ప్రముఖ సినిమాటోగ్రాఫర్ R. Rathnavelu సినిమాటోగ్రఫీ అందిస్తుండగా, Avinash Kolla ప్రొడక్షన్ డిజైన్ బాధ్యతలు నిర్వహిస్తున్నారు. ప్రపంచ స్థాయి ప్రొడక్షన్ వాల్యూస్ సినిమాకు ప్రత్యేక ఆకర్షణగా నిలవనున్నాయి.
నేషనల్ అవార్డ్ విన్నింగ్ ఎడిటర్ Navin Nooli ఇప్పటికే ఫుల్ ఎడిట్ లాక్ పూర్తి చేయగా, ప్రస్తుతం పోస్ట్ ప్రొడక్షన్ పనులు వేగంగా సాగుతున్నాయి. పెద్ది ప్రపంచవ్యాప్తంగా జూన్ 4, 2026న విడుదల కానుండగా, జూన్ 3 నుంచి ప్రీమియర్స్ ప్రారంభం కానున్నాయి.