రెబల్ స్టార్మ్..!! ‘బాహుబలి: ది ఎపిక్’ సెన్సేషన్… ప్రభాస్ తుఫాన్..

ప్రభాస్ అంటేనే పాన్‌ ఇండియా స్థాయిలో క్రేజ్‌కు మరొక పేరు. ఆయన సినిమాలు విడుదలవుతాయంటేనే థియేటర్ల దగ్గర పండగ వాతావరణం నెలకొంటుంది. ఇప్పుడు ఆ హంగామా మరింత పెద్ద స్థాయిలో కనిపిస్తోంది. రెబల్ స్టార్ ప్రభాస్ (Rebel Star Prabhas) ప్రధాన పాత్రలో తెరకెక్కిన అత్యంత ప్రతిష్టాత్మక చిత్రం ‘బాహుబలి: ది ఎపిక్’ (Bahubali The Epic) నేడు ప్రపంచవ్యాప్తంగా గ్రాండ్‌గా విడుదలైంది.

బాహుబలి, బాహుబలి 2 పార్టులను కలుపుతూ నిడివిని కుదించి, తగు మార్పులు చేసి ఒకే చిత్రంగా ‘బాహుబలి: ది ఎపిక్’(Bahubali The Epic) రూపుదిద్దుకొంది.

కాగా, సినిమా విడుదలకు ముందే ప్రేక్షకుల్లో అద్భుతమైన ఆసక్తి నెలకొంది. దానికి నిదర్శనంగా బుక్ మై షోలో 3 లక్షలకుపైగా అడ్వాన్స్ టికెట్లు విక్రయించబడ్డాయి. ఇది ఆ ప్లాట్‌ఫారమ్ చరిత్రలోనే మొదటిసారి జరిగిన ఘనత. ఇప్పటివరకు ఏ భారతీయ సినిమా కూడా ఈ రికార్డ్‌ను చేరుకోలేదు. ఈ మైలురాయి ‘బాహుబలి: ది ఎపిక్’(Bahubali The Epic)ను ఇండియన్ సినిమా చరిత్రలో ప్రత్యేక స్థానంలో నిలబెట్టింది.

ప్రేక్షకులు సోషల్ మీడియాలో “Rebel Storm” హ్యాష్‌ట్యాగ్‌తో పోస్టులు చేస్తూ, ప్రభాస్ థియేటర్ల ముందు పండగ చేసుకుంటున్నారు. ఫ్యాన్స్ కటౌట్లు, బ్యానర్లు, ఫస్ట్ డే ఫస్ట్ షో స్పెషల్ సెలబ్రేషన్స్‌తో థియేటర్ల వెలుపల హడావిడి మొదలైంది. ప్రతి స్క్రీన్ ముందు రెబల్ ఫీవర్ నిండిపోయి, ఫుల్ హౌస్ బోర్డ్స్ దాదాపు అన్ని చోట్ల కనిపిస్తున్నాయి.

దర్శకుడు ఎస్‌.ఎస్‌. రాజమౌళి(Rajamouli) రూపొందించిన ఈ ఎపిక్ కథను ఇప్పుడు కొత్తగా రీ–మాస్టర్‌డ్ వెర్షన్‌గా, మెరుగైన విజువల్స్ మరియు శబ్ద నాణ్యతతో ప్రేక్షకులకు అందిస్తున్నారు. కొత్త ఫ్రేమింగ్, రీ–రికార్డెడ్ బ్యాక్‌గ్రౌండ్ స్కోర్, స్పష్టమైన రంగులతో ఈ వెర్షన్ థియేటర్ అనుభూతిని మరింత గొప్పగా ఇవ్వనుంది.

మొదటి రోజే ప్రేక్షకులు థియేటర్లకు భారీగా తరలివచ్చి, ప్రతి చోట బాహుబలి మంత్రం కొనసాగుతోంది.

ఈ చిత్రంలో ప్రభాస్‌తో పాటు రానా దగ్గుబాటి (Rana Daggubati), అనుష్క (Anushka), తమన్నా(Tamannaah), సత్యరాజ్, రమ్యకృష్ణ ముఖ్య పాత్రల్లో నటించారు. సంగీతం ఎం.ఎం. కీరవాణి, సినిమాటోగ్రఫీ సెంటిల్ కుమార్, ప్రొడక్షన్ డిజైన్ సబు సిరిల్ అందించారు. నిర్మాతలు శోభు యార్లగడ్డ, ప్రసాద్ దేవినేని భారీ స్థాయిలో ఈ చిత్రాన్ని నిర్మించారు.

‘బాహుబలి: ది ఎపిక్’ (Bahubali The Epic) అక్టోబర్ 31, 2025న ప్రపంచవ్యాప్తంగా గ్రాండ్‌గా విడుదలై, అభిమానులకు విజువల్ ట్రీట్ అందిస్తోంది. ప్రభాస్ మరోసారి బాక్సాఫీస్ వద్ద తనదైన తుఫాన్ రేపుతూ, “రెబల్ స్టార్మ్”ను కొత్త స్థాయికి తీసుకెళ్లాడు.