మెగా సుప్రీం హీరో Sai Durgha Tej నటిస్తున్న ప్రతిష్టాత్మక పాన్–ఇండియా పీరియడ్ యాక్షన్ డ్రామా ‘SYG – సంబరాల యేటిగట్టు’ నుంచి సంక్రాంతి కానుకగా విడుదలైన తాజా పోస్టర్ ప్రేక్షకుల దృష్టిని ఆకర్షిస్తోంది. ఈ చిత్రానికి Rohith KP దర్శకత్వం వహిస్తున్నారు.
తాజాగా విడుదలైన పోస్టర్లో సాయి దుర్గ తేజ్ పూర్తిగా గ్రామీణ వాతావరణానికి తగ్గట్టుగా కనిపిస్తూ ప్రత్యేక ఆకర్షణగా నిలిచారు. బూడిద రంగు చొక్కా, సంప్రదాయ పంచెకట్టు, చెప్పులు లేకుండా గ్రామీణ బాటలో నడుస్తూ, తెల్లటి ఎద్దును ఎంతో ఆప్యాయంగా తోడుగా నడిపిస్తున్న దృశ్యం పోస్టర్కు ఒక సహజమైన భావోద్వేగాన్ని జోడించింది. గుబురు గడ్డం, తీక్షణమైన చూపు, స్వల్ప చిరునవ్వు ఆయన లుక్ను మరింత పవర్ఫుల్గా మార్చాయి.
ఈ పాత్ర కోసం సాయి దుర్గ తేజ్ పూర్తిస్థాయి శారీరక, భావోద్వేగ మార్పుకు లోనయ్యారని మేకర్స్ వెల్లడిస్తున్నారు. పీరియడ్ నేపథ్యంతో రూపొందుతున్న ఈ యాక్షన్ డ్రామాలో ఆయన కెరీర్లోనే ఇప్పటివరకు చూడని స్థాయిలో యాక్షన్ సన్నివేశాలు ఉండబోతున్నాయని సమాచారం. కథకు కేంద్ర బిందువుగా సాయి తేజ్ పాత్ర నిలవనుందని ట్రేడ్ వర్గాలు చెబుతున్నాయి.
ఇప్పటికే విడుదలైన ‘అసుర ఆగమన’ గ్లింప్స్కు ప్రేక్షకుల నుంచి అద్భుతమైన స్పందన లభించింది. యాక్షన్తో పాటు బలమైన భావోద్వేగాలు కలగలిసిన విజువల్స్ సినిమా మీద అంచనాలను మరింత పెంచాయి.
సాంకేతికంగా కూడా ‘SYG’ హై స్టాండర్డ్స్ను వాగ్దానం చేస్తోంది. సినిమాటోగ్రాఫర్ Vetri Palanisamy అందించిన విజువల్స్కు, సంగీత దర్శకుడు B Ajaneesh Loknath అందిస్తున్న బ్యాక్గ్రౌండ్ స్కోర్ తోడవడంతో సినిమా ఒక గ్రాండ్ సినిమాటిక్ అనుభూతిని అందించనుందని అంచనా.
‘హనుమాన్’ వంటి బ్లాక్బస్టర్ను అందించిన PrimeShow Entertainment బ్యానర్పై కె. నిరంజన్ రెడ్డి, చైతన్య రెడ్డి ఈ సినిమాను భారీ స్థాయిలో నిర్మిస్తున్నారు. మొదటి నుంచే కంటెంట్కి ప్రాధాన్యం ఇస్తూ రూపొందుతున్న ఈ ప్రాజెక్ట్పై అంచనాలు రోజురోజుకీ పెరుగుతున్నాయి.
మొత్తంగా గ్రామీణ నేపథ్యం, పీరియడ్ టచ్, పవర్ఫుల్ యాక్షన్, మెగా హీరో ట్రాన్స్ఫర్మేషన్ లు ప్యాకేజీగా ‘SYG – సంబరాల యేటిగట్టు’ పాన్ ఇండియా స్థాయిలో ప్రత్యేక గుర్తింపు పొందబోతుందనే బలమైన టాక్ వినిపిస్తోంది.
