బాలీవుడ్ యాక్షన్ మాస్టర్పీస్గా చెప్పదగ్గ ‘వార్ 2’ అగస్ట్ 14న థియేటర్లలో రిలీజ్ అయ్యింది. కానీ ప్రేక్షకుల నుండి ఊహించిన స్పందన రాలేదు. కానీ ప్రస్తుతం ఓటిటి లో దుమ్ము రేపుతోంది. Netflixలో స్ట్రీమింగ్ కి వచ్చిన ఈ చిత్రం కేవలం 4 రోజుల్లోనే 3.4 మిలియన్ వ్యూస్ దాటింది. అంతేకాదు, ప్రపంచవ్యాప్తంగా టాప్ చార్ట్స్లో కూడా దూసుకుపోతోంది.
తాజా రిపోర్ట్స్ ప్రకారం, War 2 ప్రస్తుతం నెట్ఫ్లిక్స్ గ్లోబల్ ర్యాంకింగ్స్లో 3వ స్థానంలో నిలిచింది. అంతేకాదు, భారత్తో పాటు మరో ఐదు దేశాల్లో ఈ చిత్రం 1వ స్థానంలో ఉంది. ఆరు దేశాల్లో నంబర్వన్గా నిలవడం బాలీవుడ్ సినిమాలకు చాలా అరుదైన ఘనతగా భావిస్తున్నారు.
యష్రాజ్ ఫిల్మ్స్ నిర్మాణంలో తెరకెక్కిన ఈ చిత్రం, హృతిక్ రోషన్ – ఎన్టీఆర్ జూనియర్ కలయికతో భారీ అంచనాల మధ్య విడుదలైంది. ఈ కాంబినేషన్నే కాకుండా, సినిమాలోని స్టైలిష్ యాక్షన్ సీక్వెన్స్లు, విజువల్ ఎఫెక్ట్స్, థ్రిల్లింగ్ బ్యాక్డ్రాప్ ప్రేక్షకులను బాగా ఆకట్టుకున్నాయి.
‘వార్ 2’ దర్శకుడు అయాన్ ముఖర్జీ తన సిగ్నేచర్ స్టైల్లో విజువల్ ట్రీట్ అందించారు. హృతిక్ రోషన్ యొక్క ఇంటెన్స్ లుక్, ఎన్టీఆర్ యాక్షన్ పర్ఫార్మెన్స్ సినిమాకు బలం అయ్యాయి. రణ్బీర్ కపూర్ స్టార్ చేసిన ‘బ్రహ్మాస్త్ర’ తరవాత అయాన్ దర్శకత్వం వహించిన ఈ చిత్రం, ‘స్పై యూనివర్స్’లో కీలక భాగంగా నిలిచింది.
‘వార్ 2’ ఇప్పుడు ఓటిటీలో హవా చూపిస్తోంది. సోషల్ మీడియాలో “హృతిక్–ఎన్టీఆర్ కాంబో మాస్ ఫైర్!”, “హాలీవుడ్ రేంజ్ యాక్షన్!” అంటూ నెట్ఫ్లిక్స్ ట్రెండింగ్ చార్ట్లను దున్నేస్తున్న ఫ్యాన్స్ కామెంట్స్ వెల్లువెత్తుతున్నాయి.
ఈ వేగం చూస్తుంటే, ‘వార్ 2’ నెట్ఫ్లిక్స్ గ్లోబల్ చార్ట్లో టాప్ 1 స్థానం దక్కించుకోవడం కూడా పెద్ద విషయం కాదనే అభిప్రాయాన్ని సినీ వర్గాలు వ్యక్తం చేస్తున్నాయి.