వైఎస్ జగన్‌మోహన్‌రెడ్డి పులివెందుల పర్యటనలో అనూహ్య ఘటన చోటుచేసుకున్నట్లు సమాచారం. జగన్ ర్యాలీగా వెళ్తున్న సమయంలో మాజీ ఎంపీ వైఎస్ వివేకానందరెడ్డి హత్య కేసులో ప్రధాన నిందితుడిగా ఉన్న దస్తగిరి ఆయనకు ఎదురుగా వెళ్లి నిలదీసినట్లు తెలుస్తోంది. ఈ పరిణామం స్థానికంగా రాజకీయ చర్చకు దారితీసింది.
జగన్ ర్యాలీ కొనసాగుతున్న సమయంలో దస్తగిరి అక్కడికి రావడంతో వైసీపీ శ్రేణులు అప్రమత్తమయ్యాయి. దస్తగిరి వస్తున్న విషయాన్ని పార్టీ కార్యకర్తలు జగన్‌కు తెలియజేసినట్లు సమాచారం. ఈ క్రమంలో జగన్ ర్యాలీకి ఎదురుగా వెళ్లిన దస్తగిరి.. తన సొంత బాబాయ్ వైఎస్ వివేకానందరెడ్డిని చంపించి తమ జీవితాలను నాశనం చేశావంటూ జగన్‌ను ఉద్దేశించి వ్యాఖ్యలు చేసినట్లు ప్రచారం జరుగుతోంది.
పులివెందుల జగన్ ర్యాలీని అడ్డుకున్న దస్తగిరి #YSJagan #JaganMohanReddy #Pulivendula #YSJaganTour #PulivendulaTour #YSRCP #YCP #AndhraPradesh #APPolitics #JaganPolitics #YSRCPLeaders #JaganVisit #Kadapa #YSRDistrict #Rayalaseema #AndhraPoliticalNews #JaganUpdates #PoliticalNews #TeluguNews #APNews #LatestPoliticalNews #JaganFans #YSRCPNews #AndhraPradeshPolitics #TeluguPoliticalNews
— NAVADISHA NEWS (@navadishamedia) November 1, 2026
దస్తగిరి వ్యాఖ్యలతో అక్కడ ఒక్కసారిగా ఉద్రిక్త పరిస్థితి నెలకొన్నట్లు తెలుస్తోంది. వెంటనే రంగంలోకి దిగిన పోలీసులు దస్తగిరిని అడ్డుకుని పక్కకు పంపించారు. అయితే ఈ ఘటనపై జగన్ ఎలాంటి స్పందన తెలియజేయకుండా, దస్తగిరిని పట్టించుకోనట్లుగా తన ర్యాలీని కొనసాగించినట్లు సమాచారం.
వివేకానందరెడ్డి హత్య కేసు ఏపీ రాజకీయాల్లో ఇప్పటికే కీలక అంశంగా కొనసాగుతోంది. ఈ నేపథ్యంలో పులివెందులలో జగన్ ర్యాలీ సమయంలో దస్తగిరి నేరుగా ఎదురుపడి చేసినట్లు చెబుతున్న వ్యాఖ్యలు మరోసారి ఈ కేసును రాజకీయ చర్చలోకి తీసుకొచ్చాయి. ఈ ఘటనకు సంబంధించిన పూర్తి వివరాలు, అధికారిక స్పందన తెలియాల్సి ఉంది.
