Download App

రాయలసీమ హార్టికల్చర్ హబ్ కల నిజం కాబోతోంది.. నారా లోకేశ్ కీలక వ్యాఖ్యలు

అక్టోబర్ 2, 2026 • By Srinivas
రాయలసీమ రైతుల ఆదాయాన్ని పెంచడమే లక్ష్యంగా ప్రకటించిన ‘మిషన్ రాయలసీమ’లో మరో కీలక అడుగు ముందుకు పడిందని మంత్రి నారా లోకేశ్ అన్నారు. మదనపల్లెలో గ్లోబల్ హార్టికల్చర్ హబ్, ఇండియన్ స్కూల్ ఆఫ్ అగ్రికల్చర్ (ISA) ఏర్పాటుకు శంకుస్థాపన సందర్భంగా ఆయన కీలక వ్యాఖ్యలు చేశారు. రాయలసీమలో రైతులు...
రాయలసీమ హార్టికల్చర్ హబ్ కల నిజం కాబోతోంది.. నారా లోకేశ్ కీలక వ్యాఖ్యలు

రాయలసీమ రైతుల ఆదాయాన్ని పెంచడమే లక్ష్యంగా ప్రకటించిన ‘మిషన్ రాయలసీమ’లో మరో కీలక అడుగు ముందుకు పడిందని మంత్రి నారా లోకేశ్ అన్నారు. మదనపల్లెలో గ్లోబల్ హార్టికల్చర్ హబ్, ఇండియన్ స్కూల్ ఆఫ్ అగ్రికల్చర్ (ISA) ఏర్పాటుకు శంకుస్థాపన సందర్భంగా ఆయన కీలక వ్యాఖ్యలు చేశారు.

రాయలసీమలో రైతులు ఎదుర్కొంటున్న సమస్యలను తాను యువగళం పాదయాత్ర సందర్భంగా నేరుగా చూశానని లోకేశ్ తెలిపారు. రైతుల ఆదాయాన్ని పెంచాలనే లక్ష్యంతో 2023 జూన్ 7న కడపలో ‘మిషన్ రాయలసీమ’ను ప్రకటించానని, అందులో ప్రధాన అంశాల్లో ఒకటైన రాయలసీమను హార్టికల్చర్ హబ్‌గా మార్చే లక్ష్యం ఇప్పుడు కార్యరూపం దాల్చుతోందని చెప్పారు.

2023లో ప్రకటించిన మిషన్ రాయలసీమకు ముందడుగు

“యువగళం పాదయాత్రలో రాయలసీమ రైతుల కష్టాలను నేరుగా చూశా. రైతుల ఆదాయం పెంచాలన్న అజెండాతో 2023 జూన్ 7న కడపలో ‘మిషన్ రాయలసీమ’ ప్రకటించా. అందులో ప్రధానమైనది రాయలసీమను హార్టికల్చర్ హబ్‌గా మార్చడం. ఇప్పుడు ఆ హార్టికల్చర్ హబ్ కల నిజం కాబోతుంది” అని నారా లోకేశ్ పేర్కొన్నారు.

రూ.1 లక్ష కోట్ల స్థాయిలో అభివృద్ధి చేయనున్న గ్లోబల్ హార్టికల్చర్ హబ్ ద్వారా రాయలసీమలో ఉద్యాన పంటల సాగు, ఉత్పత్తి, ప్రాసెసింగ్, మార్కెటింగ్ రంగాలకు మరింత ప్రోత్సాహం లభించనుంది.

రాయలసీమ హార్టికల్చర్ హబ్ కల నిజం కాబోతోంది.. నారా లోకేశ్ కీలక వ్యాఖ్యలు

చంద్రబాబు 20 ఏళ్ల ముందుచూపుతో ఆలోచిస్తారు

ముఖ్యమంత్రి చంద్రబాబు నాయుడి నాయకత్వాన్ని ప్రస్తావిస్తూ లోకేశ్ కీలక వ్యాఖ్యలు చేశారు.

“హార్టికల్చర్ అయినా, క్వాంటం అయినా చంద్రబాబు ముందుంటారు. మనం ఈ రోజు గురించి ఆలోచిస్తే.. చంద్రబాబు గారు వచ్చే 20 ఏళ్ల గురించి ఆలోచిస్తారు” అని అన్నారు.

రైతు కుటుంబంలో పుట్టిన చంద్రబాబుకు రైతుల కష్టాలు తెలుసని, అందుకే వ్యవసాయ రంగంలో దీర్ఘకాలిక మార్పులకు ప్రాధాన్యం ఇస్తున్నారని లోకేశ్ పేర్కొన్నారు.

ISB తరహాలో రాయలసీమలో ISA

హైదరాబాద్‌లోని ఇండియన్ స్కూల్ ఆఫ్ బిజినెస్ (ISB)ను ప్రస్తావించిన నారా లోకేశ్.. అదే తరహాలో వ్యవసాయ రంగానికి నైపుణ్యం, పరిశోధన, ఆధునిక సాంకేతికతను అందించే సంస్థగా ఇండియన్ స్కూల్ ఆఫ్ అగ్రికల్చర్ (ISA) రూపుదిద్దుకోనుందని తెలిపారు.

“ఇండియన్ స్కూల్ ఆఫ్ బిజినెస్ ఎంతోమంది పారిశ్రామికవేత్తలను తయారు చేసింది. హైదరాబాద్‌లో ISB తరహా మ్యాజిక్ ఇప్పుడు రాయలసీమలో జరగబోతోంది. అదే ఇండియన్ స్కూల్ ఆఫ్ అగ్రికల్చర్. ఇది వ్యవసాయ రంగ రూపురేఖలను మార్చబోతోంది” అని లోకేశ్ అన్నారు.

ISAలో ఆధునిక వ్యవసాయ సాంకేతికత, పరిశోధన, ప్రెసిషన్ ఫార్మింగ్, AI, స్మార్ట్ ఇరిగేషన్ వంటి అంశాలపై దృష్టి సారించనున్నారు.

రాయలసీమ హార్టికల్చర్ హబ్ కల నిజం కాబోతోంది.. నారా లోకేశ్ కీలక వ్యాఖ్యలు

రైతుల ఆదాయం రెట్టింపు చేయడమే లక్ష్యం

రాయలసీమలో వ్యవసాయ రంగాన్ని ఆధునికీకరించడంతో పాటు రైతుల ఆదాయాన్ని పెంచడమే ప్రభుత్వ లక్ష్యమని నారా లోకేశ్ స్పష్టం చేశారు.

గ్లోబల్ హార్టికల్చర్ హబ్, ISAతో పాటు ప్రైవేటు పెట్టుబడులు, ఆధునిక సాంకేతికత, ప్రాసెసింగ్ మరియు మార్కెటింగ్ వ్యవస్థలను అనుసంధానం చేయడం ద్వారా రైతులకు మెరుగైన అవకాశాలు కల్పించే దిశగా చర్యలు తీసుకుంటున్నట్లు తెలిపారు.

“రైతుల ఆదాయం రెట్టింపు చేయడమే మా లక్ష్యం” అని నారా లోకేశ్ స్పష్టం చేశారు.

రాయలసీమలో హార్టికల్చర్ రంగాన్ని భారీ స్థాయిలో అభివృద్ధి చేయడంతో పాటు, వ్యవసాయ విద్య మరియు సాంకేతికతకు ప్రత్యేక కేంద్రంగా ISAను తీర్చిదిద్దే ప్రయత్నం ఈ కార్యక్రమంతో ముందుకు సాగనుంది.

Srinivas

Srinivas is an entertainment journalist covering Telugu cinema, celebrity updates, movie reviews, and OTT news for over 9 years in IndiaGlitz.

View all posts