‘అనగనగా ఒక రాజు’ చిత్రం Naveen Polishetty కెరీర్లో అత్యంత భారీ విజయంలో దూసుకెళ్తోంది. కేవలం ఐదు రోజుల్లోనే ఈ సినిమా ప్రపంచవ్యాప్తంగా ₹100.2 కోట్ల గ్రాస్ వసూళ్లను నమోదు చేసి, సంక్రాంతి బాక్సాఫీస్ను రికార్డుల పండుగగా మార్చింది.
రిలీజ్ అయిన తొలి షో నుంచే అద్భుతమైన వర్డ్ ఆఫ్ మౌత్తో పాటు హౌస్ఫుల్ షోలు, రిపీట్ ఫ్యామిలీ ఆడియన్స్ ఈ సినిమాకు బలంగా నిలిచాయి. ఫలితంగా నాలుగు రోజుల్లోనే అన్ని ఏరియాల్లో బ్రేక్ ఈవెన్ పూర్తి చేయడం ద్వారా ఈ చిత్రం క్లియర్ కట్ బ్లాక్బస్టర్గా నిలిచింది.
ఈ విజయంతో నవీన్ పోలిశెట్టి తన కెరీర్లో నాలుగో వరుస బ్లాక్బస్టర్ను అందుకున్నాడు. ప్రతి సినిమాతో మార్కెట్ పెంచుకుంటూ వచ్చిన ఆయనకు అనగనగా ఒక రాజు కెరీర్-హయ్యెస్ట్ గ్రాసర్గా నిలిచింది.
ఓవర్సీస్లోనూ సినిమా సంచలనం సృష్టిస్తోంది. అమెరికాలో నవీన్ పోలిశెట్టి వరుసగా మూడో $1 మిలియన్కు పైగా వసూళ్లు సాధించిన చిత్రంగా ఇది రికార్డు సృష్టించింది. ప్రస్తుతం వేగంగా $2 మిలియన్ మార్క్ దిశగా దూసుకెళ్తోంది. అక్కడ డిస్ట్రిబ్యూషన్ చూసిన మోక్షా మూవీస్ సమర్థవంతమైన స్క్రీన్ ప్లానింగ్తో కీలక పాత్ర పోషించింది.
దేశీయంగా ఏపీ, తెలంగాణల్లోనూ భారీ పోటీ మధ్యలో కూడా సినిమా నిలకడగా వసూళ్లు సాధిస్తోంది. Sithara Entertainments బలమైన రిలీజ్ స్ట్రాటజీ, స్క్రీన్ కౌంట్స్ సినిమాకు మరింత ఊపునిచ్చాయి.
కంటెంట్, కామెడీ, ఎమోషన్తో అన్ని వర్గాల ప్రేక్షకులను ఆకట్టుకున్న అనగనగా ఒక రాజు ఈ సంక్రాంతికి డెఫినిటివ్ ఎంటర్టైనర్గా నిలిచింది. ₹100.2 కోట్ల గ్రాస్, నాలుగు రోజుల్లో బ్రేక్ ఈవెన్, USAలో మిలియన్ డాలర్ హ్యాట్రిక్తో సినిమా ఇంకా పెద్ద మైలురాళ్ల దిశగా సాగుతోంది.
