హైదరాబాద్ షెడ్యూల్లో రామ్ పోతినేని ‘ఆంధ్రా కింగ్ తాలూకా’
June 16, 2025 Published by Srinivas
టాలీవుడ్ ఎనర్జిటిక్ స్టార్ రామ్ పోతినేని నటిస్తున్న యూనిక్ ఎంటర్టైనర్ ‘ఆంధ్రా కింగ్ తాలూకా’ షూటింగ్ హైదరాబాద్లో జోరుగా సాగుతోంది. మహేష్ బాబు పి దర్శకత్వం వహిస్తున్న ఈ చిత్రాన్ని ప్రముఖ నిర్మాణ సంస్థ మైత్రి మూవీ మేకర్స్ పతాకంపై నవీన్ యెర్నేని, వై. రవిశంకర్ నిర్మిస్తున్నారు.
ప్రస్తుతం హైదరాబాద్లోని అల్యుమినియం ఫాక్టరీలో కీలక టాకీ పార్ట్ను చిత్రీకరిస్తున్నారు. ఈ షెడ్యూల్లో రామ్తో పాటు కన్నడ సూపర్స్టార్ ఉపేంద్ర పాల్గొంటున్నారు. చిత్రంలో ఉపేంద్ర, పవర్ఫుల్ పాత్ర సూపర్ స్టార్ సూర్యకుమార్గా కనిపించనుండగా, రామ్ ఆయన ఫ్యాన్ పాత్రలో కనిపించబోతున్నారు. ఈ కాంబినేషన్లో తెరకెక్కుతున్న సన్నివేశాలు సినిమాకు ప్రధాన హైలైట్గా నిలవనున్నాయి.
ఇటీవల రామ్ పుట్టినరోజు సందర్భంగా విడుదలైన టైటిల్ గ్లింప్స్కు ట్రెమండస్ రెస్పాన్స్ లభించింది. ప్రేక్షకుల్లో భారీ అంచనాలు నెలకొన్నాయి.
ఈ సినిమాలో రామ్ తన కెరీర్లో ఇప్పటివరకు చేయని యూనిక్ క్యారెక్టర్ చేస్తున్నట్లు చిత్రబృందం పేర్కొంది. దర్శకుడు మహేష్ బాబు పి ఈ సినిమాకు ఓ విభిన్న కథను అందించారని తెలుస్తోంది.
భాగ్యశ్రీ బోర్స్ కథానాయికగా నటిస్తున్న ఈ చిత్రానికి సిద్ధార్థ నూని సినిమాటోగ్రఫీ అందిస్తుండగా, సంగీతాన్ని వివేక్-మర్విన్ కలిపి అందిస్తున్నారు. జాతీయ అవార్డు గ్రహీత శ్రీకర్ ప్రసాద్ ఎడిటింగ్ బాధ్యతలు నిర్వహిస్తున్నారు. ప్రొడక్షన్ డిజైనర్గా అవినాష్ కొల్లా పని చేస్తున్నారు.
అద్భుతమైన తారాగణం, ఆసక్తికరమైన కథాంశంతో కూడిన ఈ చిత్రం, ప్రేక్షకులకు గ్రాండ్ సినిమాటిక్ ఎక్స్పీరియన్స్ ఇవ్వబోతుందన్న విశ్వాసం చిత్రయూనిట్ వ్యక్తం చేసింది.
